Manaova Soa Tsy ho Voafinga na Haminga Olo

Nanao fanohara Jesosy mba hampianara fa tena raty ty hoe voafinga na mahavy ty hafa ho voafinga.

18:6, 7

• Ty hoe “vato mahavoafinga”, le manondro fihetsiky na raha niseho mahavy olo hivio lala zany hoe hanao raha tsy mety, na ho voafinga zany hoe ho raty fandaisam-bata na hanota

• Laha misy olo manao raha mahavoafinga ty hafa le soasoa ho azy ty alatsaky an-driaky any sady anantona vato fikosoham-bary ty am-bozony eny

18:8, 9

• Nanoro hevitsy ani-mpanori-dia azy rey Jesosy hoe aleo afoin-drozy ty raha lafovily manahaky tana na maso, laha reo ro mahavy an-drozy hanota

• Aleo mahafoy ani-raha teantsika marè reo fe militsy amy Fanjakà-Ndranahary ao, tany mana ani-reo fe ho amy Gehena any zany hoe ho ripaky zisiky farany

Ino ty raha mety hanjary vato mahavoafinga amy fiainako, le ino ty tokony hataoko mba tsy ho voafinga na haminga olo?