Miezaha Handramby ty Fampianara-Ndranahary

MANINO RO ILÀ? Mpampianatsy Be Voninahitsy Jehovah ka manome antsika fampianara farani-ze soa. Ampianariny antsika hoe akory ty hahasoa ty fiainantsika, le ampiomaniny amy hoavy tena soa sandrany tsika. Tsy misy drala aloa io! (Is 11:6-9; 30:20, 21; Ap 22:17) Manao fandaharam-pampianara koa Ndranahary mba hanampy antsika hahay hizara hafatsy mitavan’ay.—2Ko 3:5.

AKORY TY HANAOVA AZY?

• Miezaha hana fandefera noho fiambanea.—Sl 25:8, 9

• Hararaoto ze fampiofana fa ameani-Jehovah anao, ohatsy hoe anjarani-mpianatsy amy fivoria andavanandro rey

• Eritsereto ze fomba azonao ampitomboa ty fanompoanao, le manaova fandahara hanampy anao hahatratsy azy.—Fi 3:13

• Manaova soro mba hahafeno ty fepetra takỳ amy fiofana sisany.—Fi 3:8

HENTEO TY VIDEO HOE MPANARIVO ARA-PANAHY SATRIA AMPIANARINI-JEHOVAH, BAKEO VALEO FANONTANEA RETOA:

• Ino ty raha sarotsy nireseni-mpitory sisany rey mba hanatreha ty Sekolini-Mpitory Fanjakà Iny?

• Mampiofana amin’ino ty Sekolini-Mpitory Fanjakà Iny?

• Ino ty nataon’olo tamy fiangona tao mba hanampea ani-rahalahy noho anabavy voatendry tamin-drozy tany rey?

• Ino iaby ty fepetra takỳ amy ze ta hanatriky Sekolini-Mpitory Fanjakà Iny? (kr 189)

• Ino koa ty fampiofanani-fandaminani-Jehovah azonao ezahy tratsiry?