Ta Hanatriky Sekolini-Mpitory Fanjakà Iny va Iha?

Mpanompo amy fotoa iaby anelanelani-23 tao noho 65 tao eo va iha? Salama soa koa va iha sady afaky mifindra amy faritsy ilà mpitory maro? Laha eka ty valin-teninao, fa nieritseritsy mikasiky Sekolini-Mpitory Fanjakà Iny va iha? Liany tamy kilasy voalohany, le fa an’arivony ty mpivaly nanatriky ani-sekoly io, miaraky amy rahalahy noho anabavy tsy manambaly hafa koa. Fe rahalahy tsy manambaly henanizao ro tena ilàntsika. Angataho Jehovah soa hampeany iha mba ho afaky hampifalifaly azy noho hanahaky ani-Anakiny iny. (Sl 40:8; Mt 20:28; He 10:7) Bakeo diniho ty asanao na ty adidinao manoka mba hahafahanao hanatriky ani-sekoly io.

Ino iaby ty karaza fanompoa misokatsy ho ani-azy nahazo diplomy rey? Nisy tamin-drozy rey nivoatendry hanompo amy faritany manao safà vahiny, na nandramby anjara tamy fandahara fitoria amy pilasy maro olo. Nisy koa nivoatendry ho mpiandraikitsini-faritsy mpisolo pilasy, mpiandraikitsini-faritsy, na misionera tafara kelikelini-nahazoan-drozy diplomy rey. Eritsereto avao hoe ino ty azonao atao amy fanompoa ani-Jehovah, le enga anie iha mba hitovy amy Isaia ka hivola hoe: “Toy aho iraho!”—Is 6:8.

HENTEO TY VIDEO HOE MAZOTO MIJINJA VOKATSY TY MISIONERA, BAKEO VALEO FANONTANEA RETOA:

• 

  Akory ty fifiliana ani-misionera rey?

• 

  Ino ty asa soa ataoni-misionera?

• 

  Ino iaby ty fitahia azo baka amy asa misionera?