Teani-Jehovah ty Olo Malio

“Manasà tana. Mahaiza mampiry trano. Mamafà tokotany. Manaria fako.” Maro ty baba amy reny mampianatsy ty anakin-drozy hiezaky halio avao. Fe laha ty marina, le baka amy Jehovah, azy Ndranahary masy iny raha zay. (Ek 30:18-20; De 23:14; 2Ko 7:1) Manome voninahitsy ani-Jehovah tsika lafa malio avao ty vatantsika noho ty hananantsika. (1Pe 1:14-16) Ka manao akory ty tranontsika noho ty manodidy antsika? Maro ty olo manarinary raha mban-dala mbeny na mbamy ze andehanany eny, fe tsy manao ani-zay ty Kristiana fa hanao ze hampalio ani-tany toy avao. (Sl 115:16; Ap 11:18) Ndre fanaria raha malinidiniky manahaky siligoma, fono bombò, holin-kida, na taratasy namonosa bokoboko rey, le fa mampiseho ty toe-tsaintsika amy resaky fahadiova. Ta ‘hampiseho ty vatantsika ho mpanompo-Ndranahary’ tsika amy kila raha iaby amy fiainantsika.—2Ko 6:3, 4.

HENTEO TY VIDEO HOE TEA-NDRANAHARY TY OLO MALIO, BAKEO VALEO FANONTANEA RETOA:

• Ino ty fialan-tsinin’olo sisany mahavy azy tsy manadio ty hananany?

• Akory ty nampisehoani-Lalànani-Mosesy hoe teani-Jehovah ty olo malio?

• Ino ty azontsika atao mba hiderà ani-Jehovah ndre tsy mivola ndre ino ndre ino tsika?