Natelini-Tany Vavarano Iny

Fa nanampy ty vahoakini-Jehovah avao bakany bakany zay ty fanjakà. (Ezr 6:1-12; Es 8:10-13) Ndre henanizao aza tsika mahita fa atelini-“tany” iny, zany hoe atelini-manam-pahefà manao ty marina rey ty fanenjeha sahala vavarano alefani-Satana Devoly, azy dragona iny. (Ap 12:16) Mety hataoni-Jehovah, azy “Ndranahary mpanavotsy iny”, ze hahavy ani-mpanday fanjakà reo hanafaky ty vahoakiny.—Sl 68:20; Oh 21:1.

Fe manao akory laha nigadra iha vokatsini-finoanao? Ka matahotsy fa tena mikarakara anao Jehovah. (Ge 39:21-23; Sl 105:17-20) Matokisa fa hahazo valisoa iha satria manam-pinoa sady hampahery ty rahalahy amy tany toy iaby ty tsy fivalihanao.—Fi 1:12-14; Ap 2:10.

HENTEO TY VIDEO HOE NABOTOTSY BAKA AM-PRIZON TY RAHALAHINTSIKA A KOREA ANY, BAKEO VALEO FANONTANEA RETOA:

• Manino ty rahalahintsika an’arivony a Korea any ro nigadra tanatini-tao maro?

• Ino iaby ty fanapahan-kevitsini-fanjakà ka nahavy an-drozy hamototsy ty rahalahintsika sisany?

• Akory ty hanampeantsika ty rahalahy noho anabavintsika gadra vokatsini-finoan-drozy amy tany toy iaby rey?

• Akory ty hampiasantsika ty fahafaha ananantsika henanizao?

• Ia ro tena nanampy tamy fandresea niazontsika baka amy fitsarà rey?