Hasoavo Ty Fanompoanao: Mahaiza Manovaova Resaky

MANINO RO TENA ILÀ? Manasa ty olo iaby mba “hino ranon’ay tsy andoava drala” ty voahosotsy noho ty aondry hafa. (Ap 22:17) Tsy ino rano an’ohatsy io fa ze raha iaby ataoni-Jehovah mba hahavy ty olo manoriky ty safàny ho avotsy amy fahotà noho fahafatesa. Tsy ho afaky hanampy olo samby hafa fomba noho fivavaha tsika laha tsy ataontsika maninto an-drozy sambatan’olo “vaovao soa zisiky farany” io.—Ap 14:6.

AKORY TY HANAOVA AZY?

• Mifiliana foto-kevitsy raiky noho andinin-teny raiky mety hidosiky fon’olo amy faritaninareo eny. Mety hangalaky baka amy hevitsy azo resahy ao iha na handay raha hafa fa nahitanao vokatsy. Foto-kevitsy noho andinin-teny manao akory ro tean’olo? Misy vaovao na raha maresaky an-tanà eo va mety eritseretini-ankamaroan’olo na resahiny? Resaky manao akory ro tea ty lahilahy, le manao akory ty tea ty ampela?

• Mahaiza miarahaba, le mahalalà fomba mifanaraky amy faritaninareo.—2Ko 6:3, 4

• Anovo hay hoe ino iaby ty boky noho video amy Fitaova Fampianara ao hatoronao ze olo kinto

• Alao sandrany ze boky noho video amy fivolanan’olo mety ho hitanao amy faritaninareo eny

• Ovaovao mifanaraky amy ze olo iresahanao ty foto-kevitsy. (1Ko 9:19-23) Ino, ohatsy, ty hovolaninao laha hainao fa vo nimaty longo vo tsiela olo iresahanao iny?

HENTEO VIDEO INY LE VALEO FANONTANEA RETOA:

• Ino tse ty hevitsy niresahini-mpitory iny tamy voalohany?

• Ino ty raha niseho tamy fiainan’olo iny?

• Ino amy andinin-teny nieritseretiny rey ro tena mety eto, le ino ty antony?

• Akory ty ataonao lafa manovaova resaky mba hidosiky fon’olo lafa manompo?