Miresaha Raha Niseho vo Tsiela Lafa Manompo

Lafa nanompo Jesosy, le niresaky raha niseho vo tsiela mba hampianara olo. (Lk 13:1-5) Afaky manao ho zay koa iha mba hahavy ty olo ho kinto amy vaovao soa iny. Lafa baka niresaky mikasiky ty hasarotam-piaina iha, na loza raiky niseho, na koronta, na ty hamaroan’olo mitroky raha maha ango, na manahaky ani-zay, le azonao atao ty mametraky fanontanea mampieritseritsy. Ohatsy hoe: “Araky ty hevitsinao, mbo ho tampitsy avao va ty ... ?” na “Ino ty vahaolana hitanao amy resaky ... ?” Bakeo, mamakia andinin-teny raiky miresaky ani-raha iny. Laha kinto olo iny, le ampanenteo video na ameo raha baka amy Fitaova Fampianara ao. Maro ty ezaky mety hataontsika mba hidosiky ty fon’olo amy faritanintsika eo. Fe ‘ze raha iaby ataontsika, le anovo mba hitoria ty vaovao soa.’​—1Ko 9:22, 23.

Ino ty foto-kevitsy mahakinto ty olo amy faritaninareo eo?