Rambeso ty Fanampeani-Hafa

Mba hanampea antsika, le nanome ty rahalahy noho anabavy “iaby amy finoa ao” Jehovah. (1Pe 5:9) Afaky manampy antsika hiatriky raha sarotsy amy fanompoa eny rozy. Tena nahasoa ani-Paoly zao ty fanampeani-Akoila noho Prisila, Silasy, Timoty voho ty olo hafa.​—As 18:1-5.

Akory ty anampeani-hafa anao amy fanompoa eny? Mety hatoron-drozy anao ty tokony hatao lafa misy fanohera, lafa manao fimpolia mitsidiky, na lafa hanomboky noho hitariky fampianara Baiboly. Henteo hoe ia ty afaky manampy anao amy fiangonanareo eo, le mangataha fanampea aminy. Azo antoky fa samby handramby soa nareo amy zay sady samby ho falifaly.​—Fi 1:25.

HENTEO TY VIDEO HOE ENGAO HANAMPY ANAO JEHOVAH, LE HAHAFALIFALY ANAO TY MAMPIANATSY BAIBOLY: TY MPIARA-MANOMPO, BAKEO VALEO FANONTANEA RETOA:

• 

  Akory ty nataoni-Hanta mba hampirisiha ani-Faly hanatriky fivoria?

• 

  Manino tsika ro tokony hitao mpitory hafa mba hiaraky mampianatsy Baiboly amintsika?

• 

  Samby tea ino Faly noho Hanitra?

• Ino ty raha mety hatoroni-hafa anao lafa amy fanompoa eny?