Ampeo ty Mpianatsy Baibolinao mba Hiala amy Fahazaran-draty

Ze olo malio fandaisam-bata avao ro namani-Jehovah. (1Pe 1:14-16) Lafa miala amy fahazaran-draty mpianatsy iny, le mety ho sambatsy ty fianakaviany, ho salama soa ie sady tsy ho sahira amy resaky drala.

Hazavao soa aminy ty fitsipikini-Jehovah mikasiky fandaisam-bata, ty antony anomezani-Jehovah ani-fitsipiky rey, le resaho aminy ty soa ho azony lafa ie manoriky ani-raha rey. Ampeo ie mba hanova ty fomba fisainany, amy zay ie afaky hanao ty raha teani-Jehovah. (Ef 4:22-24) Ameo toky ie fa hanampy azy Jehovah ka ho vitany ty hiala amy fahazaran-dratiny. (Fi 4:13) Ampianaro azy fa mila mangataky fanampea amy Jehovah ie lafa manaly ta hanao raha raty. Ampeo ie hahay hoe ino ty raha mety hahavy azy hanao raty ka tokony hialany. Ampirisiho ie hanao raha hahasoa azy fa tsy raha hanimba ty fiainany. Ho falifaly iha lafa hitanao fa nampeani-Jehovah mpianatsy Baiboly iny, ka nahavita niala tamy fahazaran-dratiny.

HENTEO TY VIDEO HOE AMPEO TY MPIANATSY BAIBOLINAO MBA HIALA AMY FAHAZARAN-DRATY, BAKEO VALEO FANONTANEA RETOA:

• 

  Nanao akory fihetsikini-Hanta noho anti-panahy rey lafa nihain-drozy fa mbo nana fahazaran-draty Faly?

• 

  Akory ty nataoni-Hanta mba hanampea ani-Faly?

• 

  Akory ty nataoni-Faly mba hahazoa ty fanampeani-Jehovah?