Ampeo ty Mpianatsy Baibolinao mba Hifandramby Soa amy Jehovah

Teani-Jehovah laha fitiava ro mandrisiky antsika hanompo azy. (Mt 22:37, 38) Lafa tea a-Ndranahary ty mpianatsy Baiboly, le hahavita hanao fiovà noho tsy hivaliky lafa misy raha sarotsy. (1Jn 5:3) Ty fitiavany a-Ndranahary ro hanosiky azy hatao batisa.

Ampeo ty mpianatsinao mba hahita fa tea azy Ndranahary. Azonao anontanea ohatsy ie hoe: “Ino ty ianaranao mikasiky ani-Jehovah baka amy raha zay?” na “Manino raha zay ro mampiseho fa tea anao Ndranahary?” Ampeo ie hahatakatsy ty fomba anampeani-Jehovah azy. (2Ta 16:9) Tantarao aminy ty fomba namaleani-Jehovah ty vavaky nataonao, le ampirisiho koa ie mba handiniky ty fomba amaleani-Jehovah ty vavaky ataony. Falifaly biby tsika lafa mahita fa tea ani-Jehovah, ta ho namany, noho mahatsapa ty fitiavani-Jehovah azy mpianatsy Baiboly iny.

HENTEO TY VIDEO HOE AMPEO TY MPIANATSY BAIBOLINAO MBA HIFANDRAMBY SOA AMY JEHOVAH, BAKEO VALEO FANONTANEA RETOA:

• 

  Ino ty raha sarotsy natrehini-Faly?

• 

  Akory ty nataoni-Hanta mba hanampea ani-Faly?

• 

  Ino ty nanampy ani-Faly handresy ani-raha sarotsy iny?