Akory ty Fampiasà ani-Hevitsy Azo Resahy Rey?

Nidinihy soa hevitsy azo resahy rey zay vo naboaky, le maro ty mpitory nahita hoe mety soa amy faritanin-drozy eo raha rey. Fe tsy mitovy ty raha misy amy tany toy iaby ka azoni-mpitory atao ty mampiasa fomba fitoria hafa na miresaky foto-kevitsy hafa mahakinto ty olo amy faritanin-drozy eo lafa manompo. Mazava ho azy fa tokony hanoriky ani-toromariky azontsika rey tsika iaby lafa amy ezaky manoka. Ty raha kendrèntsika le mba hahavita ani-asa nanirahani-Jesosy iny, zany hoe hitory ty vaovao soani-Fanjakà iny.​—Mt 24:14.

Lafa manao anjarani-mpianatsy amy zay ty mpitory, le tokony hiresaky ani-foto-kevitsy amy hevitsy azo resahy, amy Kahiem-pivoria amy Fiaina Noho Fanompoa ato iny. Fe laha tsy misy fanamariha manoka amy anjara iny, le azony atao ty mifily fanontanea hafa, na andinin-teny, na raha horesahy amy manaraky, na raha miseho amy fanompoa eny, arakaraky ze hitany hoe mifanaraky soa amy faritanin-drozy. Toromariky toy ro soloni-azy niboaky tamy kahiem-pivoria Ziein 2020, tamy pejy 8 ao iny.