Soso-kevitsy Amy Fampiasà Ty Tranonkalantsika

Fomba Ahità ani-Lahatsoratsy Tamy Pejy Fandrambesa ao Rey

Maro ty rahalahy noho anabavy mahita hoe tena manampy amy fanompoa lahatsoratsy amy pejy fandrambesa amy jw.org ao rey. Mora hita raha rey amy endriky elektroniky sady matetiky miresaky ty raha niseho vo tsiela manatanteraky ty faminaniani-Baiboly. Nivola rahalahy raiky zay hoe “tena manampy antsika amy fanompoa ataontsika henanizao” lahatsoratsy amy pejy fandrambesa amy jw.org ao rey.

Fe miovaova matetiky lahatsoratsy rey. Ka manao akory ty hahitanao ani-lahatsoratsy rey ndre fa tsy miseho amy pejy fandrambesa ao?

• Lafa iha amy pejy fandrambesa amy jw.org ao, le kiboho ty hoe “Hijery Misimisy Kokoa.” Amy pejy voalohany eo ty misy azy, na ambanini-lahatsoratsy amy fizarà hoe “Mahaliana”, laha manokatsy azy amy telefony iha.

• Lafa iha tafilitsy amy jw.org ao, le kiboho ty hoe “Zavatra Misy” bakeo amy hoe “Andian-dahatsoratra”, le farany amy hoe “Foto-kevitra Hafa.” Maro lahatsoratsy fa niboaky tamy pejy fandrambesa any amy fizarà io. Afaky mahita ani-lahatsoratsy reo koa iha amy JW Library^® ao.