Natao Haharitsy ty Fanambalea

Manome voninahitsy ani-Jehovah sady mahavy ty mpivaly hahita fifalea ty tokantrano Kristiana laha mandeha soa. (Mr 10:9) Mba hahavy ty tokantrano haharitsy noho ho sambatsy, le tsy maintsy manoriky soa ty torolalani-Baiboly ty Kristiana lafa mifily valy.

Soa “laha fa tsy anatini-fotoa fivelarani-fahatanora” iha vo mampiaraky. Tena mafy ty faniria hanao firaisa amy fotoa io ka mety hanaontao fahatany iha. (1Ko 7:36) Ampiasao soa ty fotoa mbo tsy anambaleanao mba hanatanjaha ty fifandrambesanao amy Ndranahary noho hanananao toetsy soa. Amy zay iha afaky hahita fomba soa hampilamy ty tokantranonao.

Alohani-hanambaleanao olo raiky, le mangalà fotoa ampy mba hahaizanao soa ty ‘toetsy mivony am-pony ao.’ (1Pe 3:4) Laha misy raha tena mampisalasala anao amin’olo eritseretinao ho valinao iny, le ifampiresaho aminy. Lafa manambaly iha, le tokony hifantoky tanteraky amy ze azonao amea ani-valinao fa tsy amy ty raha ho azonao. (Fi 2:3, 4) Laha manoriky soa ty torolalani-Baiboly iha alohani-hanambaly, le ho soa fototsy ty tokantranonao sady ho sambatsy.

HENTEO TY VIDEO HOE FIOMANA AMY FANAMBALEA​—FIZARÀ 3: “ANOVO KONTIKONTY ZE HO LANY”, BAKEO VALEO FANONTANEA RETOA:

• Nanao akory tamy voalohany fiarahani-anabavy iny noho Samy?

• Ino ty raha voamarikini-anabavy iny lafa nandeha ty fotoa?

• Akory ty nanampeani-baba noho reniny azy, le ino ty fanapahan-kevitsy soa nataony?