Ino ty Raha Kendrènao amy Fotoani-Fahatiarova Io?

Santao, le fa tsy linini-vahoakini-Jehovah ty hanatriky Fahatiarova miaraky. Herinandro vitsivitsy aloha noho afarani-Fahatiarova iny, le mana fahafaha manoka hidera noho hisaotsy ani-Jehovah tsika satria nanome vilim-panavota ie. Hararaotintsika fahafaha rey. (Ef 1:3, 7) Miezaky, ohatsy, tsika mba hanasa olo hanatriky Fahatiarova. Afaky mandamy ty raha misy azy koa ty sisany amintsika, le manao mpisava lala mpanampy manatratsy 30 na 50 lera amy vola Marsa na Avrily. Ta hampitombo ty fanompoanao va iha amy fotoani-Fahatiarova io? Akory ty hahavitanao ani-zay?

Matetiky tsika mahavita raha maro lafa mandamin-draha sandrany. (Oh 21:5) Ka aleo alamy manomboky henanizao, satria fa mihamariny avao Fahatiarova zay. Eritsereto hoe akory ty teanao hampitomboa ty fanompoanao amy fotoa io, le ino ty hataonao mba hanatratsira ani-raha kendrènao reo. Le bakeo mivavaha mba ho tahini-Jehovah ty ezaky ataonao. ​—1Jn 5:14, 15.

Ino iaby ty hevitsy nihitanao mba hahafahanao mampitombo ty fanompoanao amy fotoani-Fahatiarova io?