Kokkinakis v. Greece: Droit réservé
Baka anabo, miodiky miankavana: Filan-kevitsini-Fanjakà Mikasiky Fampianara a Virginie Andrefa, mialy amy Barnette; Kokkinakis mialy amy Gresy; LRO a Taganrog noho olo hafa mialy amy Russie; Cha noho Olo hafa mialy amy Korè Antimo
TY FIAINANTSIKA KRISTIANA
Ampiasantsika ty Lalàna mba Hiarova Noho Hampiorena ty Vaovao Soa
Lafa niraràni-mpanohitsy rey tsy hamboatsy ani-tempoly iny ndraiky ty Israelita, le nanao ze azon-drozy natao rozy mba hahazoa zo ara-dalàna hanao ani-fanorena iny. (Ezr 5:11-16) Manao ho zay koa ty Kristiana henanizao, zany hoe mampiasa ty lalàna mba hiarova noho hampiorena ty vaovao soa. (Fi 1:7) Zay ro nahavy ty foibe nananga Sampan-draharaha Mikasiky Lalàna tamy 1936. Miaro ty asani-Fanjakà iny amy tany toy iaby henanizao Sampan-draharaha Mikasiky Lalàna amy Foibe any io. Ino ty ataoni-sampan-draharaha io mba hiarova ty asani-Fanjakà iny noho hahasoa ty vahoaki-Ndranahary?
HENTEO TY VIDEO HOE TY ASANI-SAMPAN-DRAHARAHA MIKASIKY LALÀNA AMY FOIBE ANY, BAKEO VALEO FANONTANEA RETOA:
Ino iaby ty raha mety hahavy ty Vavolombeloni-Jehovah hana problemo amy manam-pahefà?
Ino iaby ty fandresea niazontsika? Manomeza ohatsy raiky
Ino ty azontsika kiraidraiky atao mba hiarova ty vaovao soa noho hahazoantsika zo ara-dalàna hitory ani-raha zay?
Aia amy tranonkalantsika ao ro ahitantsika ty vaovao ara-pitsarà mikasiky ty vahoaki-Ndranahary noho ty listani-Vavolombeloni-Jehovah nigadrà satria nanam-pinoa?