TY FIAINANTSIKA KRISTIANA

Miezaha ho Be Fitiava Noho Tsy Mivaliky Manahaky ani-Jehovah

Jehovah ro modely farani-ze soa amy resaky fitiava noho tsy fivaliha. (Sl 103:11) Tsy fihetseham-po mandalo avao fitiava io, fa tena laliky sady maharitsy. Maro ty fomba nampisehoani-Jehovah ani-toetsy io tamy Israely vahoakiny. Nanafaky an-drozy tamy fanandevozani-Ejipta ie, bakeo nanday an-drozy ho amy Tany Nampitamany any. (Sl 105:42-44) Nialy ho ani-vahoakiny koa ie, sady nanenga ty hadisoan-drozy avao ndre nivaliky matetiky taminy aza rozy. (Sl 107:19, 20) Lafa ‘mandiniky soa ty fitiava noho tsy fivaliha nasehoni-Jehovah’ tsika, le vomaiky ta hanahaky azy—Sl 107:43.

Sary vitsivitsy: Sary baka amy video hoe: “Diniho Soa ty Fitiava Tsy Miovaova Nasehoni-Jehovah.” 1) Rahalahy Capra noho rahalahy raiky mitsidiky ranabavy raiky an-tranony any. 2. Mbo rahalahy Capra avao, gadra miaraky amy rahalahy hafa. Manome hany rahalahy raiky marary am-pandria eo ie.

HENTEO TY VIDEO HOE “DINIHO SOA TY FITIAVA TSY MIOVAOVA NASEHONI-JEHOVAH”, BAKEO VALEO FANONTANEA RETOA:

Akory ty azontsika ampisehoa hoe manam-pitiava noho tsy mivaliky tsika?

Valin-teninao
Manino tsika ro mila mahafoy raha laha ta hampiseho fitiava noho tsy fivaliha?

Valin-teninao