Soso-kevitsy Manampy Anao Lafa Iha Mianatsy

Mahasoa anao va fanazavà andinin-teny amy Fitaovana Fikarohana ho An’ny Vavolombelon’i Jehovah ao rey?

Afaky manampy anao hahay soa ty raha volanini-Safà-Ndranahary fanazavà andinin-teny rey. Mety horesahiny amy an-tsipiriany ty raha niseho amy tantara amy andininy iny ao. Ohatsy hoe ino ty antony nanorata azy, natao ho an’ia raha io, na ino ty tena dikani-safà raiky na fehezan-teny raiky.

Laha mampiasa FITEHIRIZAM-BOKIN’NY Vavolombelon’i Jehovah iha na JW Library^®, le afaky militsy amy Fitaovana Fikarohana io. Hahita loharanon-kevitsy manazava andinin-teny raiky iha ao. Ho hitanao amy sisini-pejy fianara eo loharanon-kevitsy reo. Ahità loharanon-kevitsy iaby ze Baiboly ao.

Lafa mampiasa ani-loharanon-kevitsy rey iha, le henteo soa ty datiny. Miseho amy farani-anabo eny ze lahatsoratsy vaovao. Le amy farani-ambany any ze lahatsoratsy fa ela. Mety ahità fanazavà mbo taloha amy lahatsoratsy rey ao ndre fa nihavaozy aza fanazavà iny.

• Fa amy FITEHIRIZAM-BOKIN’NY Vavolombelon’i Jehovah ao iaby ze loharanon-kevitsy amy Fitaovana Fikarohana ao.

• Laha teanao ho hita amy JW Library-nao ao loharanon-kevitsy reo, le telesarzevo Fitaovana Fikarohana io. Alao koa ze niboaky farany laha misy. Afaky manao ani-zay iha anabo amy sisini-pejy iny saky mamoha toko raiky amy Baiboly ao.