Mampiasa JW Library va Iha?

Programa raiky mora angalà Baiboly noho boky sisany, na raha nalà feo, na video ho amy fitaova elektroniky ty JW Library. Tsy andoava drala ty fangalà raha io.

AKORY TY FANGALÀ AZY? Azo ampiasà amy fitaova elektroniky sankarazany ty JW Library. Alao baka amy pilasy fangalà programa amy internet ao rey raha io. Laha mbo amy Internet ao iha, le milira amy programa iny, bakeo filio ze raha teanao hampiliry anatini-fitaova ampiasànao. Laha tsy mahazo Internet ty an-tranonao ao, le afaky manao ani-zay iha amy Efitrano sisany, na amy hotely sisany, na amy cyber. Lafa tafilitsy amy zay boky rey, le tsy mila militsy Internet sasy iha lafa hanenty azy. Havaozy tsy tampaky ty JW Library, ka mila militsy Internet ndraiky iha mba hanavaoza ty programa ampiasànao. Mety ho matetitetiky raha zay.

INO TY MAHASOA AZY? Tena mety amy fanaova fianara am-bata ty JW Library sady mora anaraha ty fandahara atao am-pivoria any. Tena ilà amy fanompoa koa raha io, sirtò lafa manao fitoria tsy ara-potoa.