Misy Ampela Mpitoriteny va ty amy Vavolombelo Jehovah Ao?

Eka. Mpitory na mpitoriteny iaby ty Vavolombelo Jehovah, tafilitsy amy zay ty ampela an-tapitrisany. Mivola ty Baiboly hoe: “Maramila maro biby ty ampela manambara ty vaovao soa.”—Salamo 68:11

Manoriky ty ohatsy napetra ty ampela voaresaky amy Baiboly ao ty ampela Vavolombelo Jehovah. (Ohabolana 31:10-31) Tsy mpitariky amy fiangona eo rozy, fe mazoto mitory ty vaovao soa. Ampianarin-drozy ty anan-drozy koa ty torolala amy Baiboly ao. (Ohabolana 1:8) Manao ze azon-drozy atao ty ampela Vavolombelo Jehovah, ndre amy safà ndre amy fihetsiky, mba ho mpitao ty olo hafa hanao raha soa.—Titosy 2:3-5