5. Misy raha teani-Jehovah hataoni-namany

Misy raha sisany matetiky teantsika laha atao ty namantsika amintsika.

• Ino zao ty raha teanao hatao ty namanao aminao?

Vakio 1 Jaona 5:3, bakeo iaraho midiniky fanontanea retoa:

• Ino ty teani-Jehovah hatao ty namany?

Mety mila manova ty toetsintsika noho ty fandaisam-batansika tsika mba hanoriha ty safàni-Jehovah. Vakio Isaia 48:17, 18, bakeo iaraho midiniky fanontanea toy:

• Manino ro teani-Jehovah hiova ty namany?

Mila mianatsy mikasiky a-Ndranahary noho mino azy ty olo raiky vo azo atao batisa. (Vakio Hebreo 11:6.) Lafa mitombo ty fahaizanao mikasiky ani-Jehovah, le hitombo koa ty finoanao noho ty fitiavanao azy. Bakeo, lasa ho teanao ty hitory mikasiky azy noho hiay mifanaraky amy fitsipikiny. (2 Timoty 4:2; 1 Jaona 5:3) Lafa manjary “maeva ani-Jehovah” noho “mahazo hatò aminy” ty fomba fiainan’olo raiky, le mety hanapa-kevitsy hanoka ty fiainany ho a-Ndranahary noho hatao batisa olo iny.​—Kolosianina 1:9, 10.a

Eritsereto hoe fa ho nandesin-drano iha, fe nisy olo raiky nanavotsy anao. Ho halinonao va ty raha nataon’olo iny ho anao? Sa hila fomba iha mba hisaora azy amy raha zay?

Fa tsy ho niavotsy tsika, laha tsy nanao raha Jehovah. Vakio 1 Jaona 4:8-10, bakeo iaraho midiniky fanontanea retoa:

• Manino ro fanomeza miavaky ty soro nataoni-Jesosy?

• Ino ty tsapanao lafa mandiniky ty raha nataoni-Jehovah noho Jesosy ho anao iha?

Ino ty azontsika atao mba hampisehoa hoe mankasitraky ty raha nataoni-Jehovah noho Jesosy ho antsika tsika? Vakio 2 Korintianina 5:15 noho 1 Jaona 4:11; 5:3. Lafa vita vaky ty andinin-teny kiraidraiky, le iaraho midiniky fanontanea toy:

• Laha hentea andinin-teny io, akory ty ampisehoantsika hoe mahay mankasitraky tsika?

Tsapanao va hoe mihamitombo ty fitiavanao a-Ndranahary lafa nianatsy Baiboly iha? Teanao va ty hanasoa avao ty finamànao aminy? Laha zay ie, le tiarovo fa lafa hitani-Jehovah hoe mihatea azy avao iha, le hihatea anao koa ie sady hikarakara anao marerè. Ino ty azonao atao mba hampisehoa hoe tea azy iha?

1. Akory ty ampisehoantsika amy Jehovah hoe tea azy tsika?

Atorontsika hoe tea ani-Jehovah tsika lafa manoriky soa ty safàny. (Vakio 1 Jaona 5:3.) Tsy forosevany hanoriky ty safàny ty olo, fa engàny hifily ze teany hatao, na hanoriky, na tsy hanoriky. Ino ty antony? Teani-Jehovah ‘hanoriky safà amy fo’ tsika. (Romanina 6:17) Zany hoe, teany hanoriky ty safàny iha satria tea azy fa tsy hoe foroseva hanao ani-zay. Hanampy anao ty Fizarà faha-3 noho faha-4 amy boky toy, mba hampiseho ty fitiavanao ani-Jehovah amy alalani-fanaova ty raha teany noho fanalavira ty raha tsy teany.

2. Manino ro mety ho sarotsy ty mampiseho hoe tea ani-Jehovah tsika?

“Maro ty fahasahiranani-olo marina.” (Salamo 34:19) Samby sahira tsika iaby satria tsy lavorary. Mety hampijaly antsika koa ty tsy fananan-drala, ty tsy rariny, na misy problemo hafa. Mety tsy ho mora ty manao ty raha takini-Jehovah lafa misy raha sarotsy mahazo antsika. Ty tsy manoriky ty fitsipikini-Jehovah ro mety ho mora amy fotoa rey. Fe laha manoriky ty safàni-Jehovah avao iha, le asehonao hoe tea azy vatany iha sady tsy misy teanao mandilatsy azy. Asehonao amy zay koa hoe tsy mivaliky aminy iha, le tsy hivaliky aminao koa ie. Tsy hanary anao mihintsy ie.​—Vakio Salamo 4:3.

4. Ampifalifaleo ty foni-Jehovah

Vakio Ohabolana 27:11, bakeo iaraho midiniky fanontanea retoa:

• Ino ty tsapani-Jehovah lafa hendry noho manoriky ty safàny iha? Ino ty antony?

5. Ho vitanao ty tsy hivaliky amy Jehovah

VIDEO: Arovo ty Finoanao Lafa Misy Manohitsy (5:09)

• Sarotsy aminao va kindraiky ty miresaky amin’olo mikasiky ani-Jehovah?

• Ino ty nanampy ani-Grayson tsy hatahotsy?

Ho vitantsika ty tsy hivaliky amy Jehovah laha tea ty raha teany tsika sady malay ze raha halany. Vakio Salamo 97:10, bakeo iaraho midiniky fanontanea retoa:

• Araky ty nianaranao bakany zay, ino ty raha sisany teani-Jehovah, le ino ty raha sisany halany?

• Ino ty hanampy anao ho tea ty soa noho halay ty raty?

6. Mahasoa ty manoriky safàni-Jehovah

Tozoro soa avao ty manoriky safàni-Jehovah. Vakio Isaia 48:17, 18, bakeo iaraho midiniky fanontanea retoa:

• Matoky va iha hoe tena mahay ze hahasoa antsika Jehovah? Manino?

• Ino ty soa niazonao lafa nianatsy mikasiky ani-Jehovah noho ty raha hafa amy Baiboly ao iha?

FAMINTINA

Asehonao hoe tea ani-Jehovah iha laha manoriky ty safàny noho tsy mivaliky aminy avao ndre misy raha sarotsy aza.

Famerena

• Ino ty fianara ho anao baka amy modelini-Joba?

• Akory ty hampisehoanao hoe tea ani-Jehovah iha?

• Ino ty hanampy anao tsy hivaliky amy Jehovah avao?

DINIHO KOA RETOA

Akory ty hampisehoanao hoe tsy mivaliky amy Jehovah noho amy fiangona iha?

“Ty Olo Tsy Mivaliky ro Tsy Ivalihanao” (16:49)

Ianaro marerè ato ty fanasarà nataoni-Satana amin’olombelo.

“Tsy Nivadika Mihitsy i Joba” (Inona no Voalaza ao Amin’ny Baiboly?, fizarana 6)

Afaky mampiseho ty fitiavany ani-Jehovah koa va ty ajà?

Anovo ze Hahafalifaly ani-Jehovah (8:16)

Ino ty hanampy ty tanora tsy hivaliky amy Jehovah avao, ndre manerisery azy ty tanora hafa?

Ka Maheriloha Manahaky An-drozy! (3:59)