FIANARA 2

Sahala Miresaky Andavanandro

2 Korintianina 2:17

INO TY IANARA ATO? Aboaho amy fomba tsotra tsy amboamboary ze tena tsapanao mikasiky ani-foto-kevitsy iny noho ty olo iresahanao.

Mivavaha sady manomàna soa. Mivavaha mba tsy hifantoky amy ty vatanao fa amy ty hafatsy resahinao. Anovo azo soa ty hevitsy bevata mila resahy. Volano amy fomba fivolananao hevitsy iny fa ka mamaky ani-ze voasoratsy avao.

Laha hamaky Baiboly iha na boky na gazety, le anovo hay soa raha iny soa hisosa ty famakianao azy. Laha mamaky safàn’olo iha, le asio fihetseham-po ty raha volaniny, fe ka atao tafahoatsy koa.
Mivolana baka amy fo. Eritsereto hoe manino ro mila mijanjy ani-hafatsy iny ty mpijanjy. Mifantoha amin-drozy, le ho hita amy fihetsikinao noho tarehinao fa midary an-drozy vatany iha.

Ka afangaro ty hoe mivola amy fomba tsotra tsy amboamboary noho ty hoe tsy midary. Soa laha mihaja avao ty hafatsy andesinao. Ataovo mora azo ty resakinao, le araho ty fitsipiky amy fivolana ampiasanao.
Henteo ty mpijanjy anao. Henteo amy masony ty mpijanjy anao laha tsy mampeloky olo raha zay. Lafa manao lahateny iha, le henteo kiraidraiky olo rey, fa ka hentea miaraky na malakilaky.