MAHAIZA MANOMBO-DRESAKY
FIANARA 4
Miezaha Hiambany
Torolala: “Miambanea ka anovo ambony mandilatsy anareo ty hafa.”—Fil. 2:3.
Ino ty Nataoni-Paoly?
1. Henteo VIDEO io, na vakio Asan’ny Apostoly 26:2, 3. Bakeo diniho fanontanea retoa:
Akory ty nampisehoani-Paoly fa niambany ie laha hentea ty fomba niresahany tamy Agripa Mpanjaka?
Ino ty nataoni-Paoly mba hahavy ty olo hifantoky amy Jehovah noho ty Soratsy Masy, fa tsy amy ty vatany?—Henteo Asan’ny Apostoly 26:22.
Ino ty Ianarantsika Baka amy Paoly?
2. Ho tean’olo ty mijanjy ty hafatsy andesintsika lafa tsika miambany noho manaja.
Tahafo Paoly
3. Miezaha hiambany lafa miresaky. Ka atao ze hahavy ty olo hieritseritsy hoe mahay ty raha iaby iha fa ie tsy mahay.
4. Asehò azy hoe baka amy Baiboly ao ty raha ampianarinao. Misy vokany amy ty eritseritsin’olo noho ty fihetseham-pony ty Safà-Ndranahary. Ka laha mampiasa Baiboly tsika, le hanampy an-drozy hatòky ty Safà-Ndranahary raha zay.
5. Miezaha ho kalma avao. Ka misisiky mihintsy hoe marina ty raha volaninao. Tsy teantsika ty hifamaly amin’olo. Asehò hoe miambany iha ka miezaha ho kalma avao. Anovo hay koa hoe ombia iha ro tokony hiala. (Ohab. 17:14; Tit. 3:2) Mety hijanjy antsika ndraiky olo iny amy manaraky laha miezaky ho soa fanahy tsika.