Ampiasao soa “Fanomeza Ara-panahy” iny

Mahazo fampahereza tsika iaby lafa manoka fotoa hiaraha amy rahalahy noho anabavintsika reo. Fe tsy ampy avao ty hoe manoka fotoa hiaraha laha ta hifampahery. Resahin’ny Baiboly hoe “fanomeza ara-panahy” ty fahafahantsika mifampahery. (Rom. 1:11, 12) Retoa misy fomba sisany azontsika anaova ani-zay:

Amy ty raha volanintsika. Lafa mamaly teny, ohatsy, tsika am-pivoria any, le tsy mampifantoky ty sain’olo amy ty vatantsika fa miezaky miresaky mikasiky an’i Jehovah, ty safàny, noho ty vahoakiny. Lafa mifampiresaky amy mpiara-manompo koa tsika, le afaky mifily foto-kevitsy mampahery mba hifampahereza.

Amy ty fanapahan-kevitsy tsika noho ty raha ataontsika. Mety hampahery ty hafa, ohatsy, ty mahita hoe mijano manompo manontolo andro avao tsika ndre miatriky raha sarotsy aza. Na hitan-drozy hoe manatriky fivoria andavanandro avao tsika ndre fa reraky baka am-piasà any na misy arety miteza.

Mampahery an’ny rahalahy noho anabavy reo va ty raha volaninao noho ataonao? Voamarikinao koa va ty raha volanin’ny mpiara-manompo reo na ataon-drozy mba hampahereza anao?