Salamo

125 O i latou e faatuatua iā Ieova+

E pei i latou o le mauga o Siona, e lē maluelue lava

Ae e tumau e faavavau.+

 2 E pei ona siʻomia o Ierusalema e mauga,+

E faapea foʻi ona siʻomia e Ieova lona nuu+

E amata atu nei e oo i le faavavau.

 3 E lē tumau le tootoo o ē e amioleaga i le laueleele ua tofia i ē e amiotonu,+

Ina ia lē liliu atu ē e amiotonu* e faia se mea sesē.+

 4 Ieova e, ia e faia mea lelei i ē e lelei,+

I ē e saʻo o latou loto.+

 5 A o i latou ua liliu atu i o latou ala faapiʻopiʻo,

E aveesea i latou e Ieova faatasi ma ē e faia mea sesē.+