Salamo

38 Ieova e, aua e te aʻoaʻi mai iā te aʻu i lou toʻatamaʻi,

Aua foʻi e te faasa‘o mai iā te aʻu i lou toʻasā.+

 2 Auā ua matuā ati au aū i totonu iā te aʻu,

Ua mamafa foʻi lou aao i luga iā te aʻu.+

 4 Auā ua oo i luga aʻe o loʻu ulu oʻu sesē;+

E pei o se avega mamafa, ua faigatā tele ona ou tauave.

 5 Ua manogi leaga ma aloua oʻu manuʻa

Ona o loʻu valea.

 6 Ua ou mafatia ma matuā punou lava i lalo;

Ua ou fesavaliaʻi solo ma le faanoanoa i le aso atoa.

 7 Ua vevela totonu o a‘u;*

Ua lē mālōlōina lo‘u tino atoa.+

 8 Ua ou matuā vaivai ma matuā nutimomomo;

Ua ou faataiō ona o le ōi o loʻu loto.

 9 Ieova e, ua i ou luma oʻu faanaunauga uma,

E lē o lilo foʻi iā te oe loʻu ōi.

10 Ua tātāvale loʻu fatu, ma ua mou atu loʻu malosi,

Ua puaoa foʻi le malamalama o oʻu mata.+

11 Ua ‘alofia a‘u e a‘u uō ma aʻu aumea ona o loʻu mala,

Ua tutū mamao ese foʻi ē e matou te masani lelei.

12 Ua faia mailei e i latou o saʻili e fasioti aʻu;

O ē e taumafai e fai se mea leaga iā te a‘u ua tautatala e faaumatia a‘u;+

Ua latou tautatala i upu taufaasesē i le aso atoa.

13 Ae e pei o se tagata tutuli, ua ou lē faalogo;+

E pei foʻi o se tagata gūgū, ua lē tautala loʻu gutu.+

14 Ua pei aʻu o se tagata e lē lagona se mea,

E lē fai atu e lona gutu se upu e puipuia ai o ia.

15 Auā ou te faatalitali atu iā te oe Ieova e,+

Ieova e, loʻu Atua, e te tali mai lava.+

16 Auā na ou faapea ifo: “Aua neʻi o latou fiafia ona o aʻu

Pe faasausili iā te aʻu pe a see loʻu vae.”

17 Na toeitiiti lava a ou paʻū,

Ma sa ou lagona pea le tigā.+

18 Na ou taʻutino atu loʻu sesē;+

Na ou atuatuvale ona o laʻu agasala.+

19 Ae e tiotio* ma malolosi oʻu fili,*

Ua toʻatele foʻi o ē ua feita fua mai iā te aʻu.

20 Ua latou taui mai loʻu lelei i le leaga;

Ua latou teena aʻu ona o loʻu tausisi i le mea lelei.

22 Ia e vave fesoasoani mai iā te aʻu,

Ieova e, loʻu faaolataga.+