Mika
7 Auē aʻu e! ua avea aʻu e pei o lē,
Ina ua uma ona aoaoina fualaau ʻaina o le tau māfanafana,
Ma ina ua uma ona aoaoina toe fuifui vine,
Ae ua leai se fuifui vine e ʻai ai,
Ua leai foʻi se mati manaia* ou te manaʻo i ai.
Ua lamalama i latou uma e faamasaa le toto.+
Ua taʻitasi ma tuli i lona uso i le upega.
3 Ua popoto o latou lima e faia le mea leaga;+
Ua tāpā e le perenise ni meaalofa,
Ua talosaga le faamasino mo se taui,+
Ua faailoa atu e lē e sili ona manaʻoga,+
Ma ua latou taupulepule faatasi.*
4 O lo latou tagata aupito lelei ua pei o se laau talatala,
O lē e sili ona amio saʻo o i latou ua sili atu ona matuituia nai lo o le pā laau tuitui.
O le a oo mai le aso na tautatala i ai ou tagata vāai, o le aso foʻi o le faamasinoga.+
Ona fememeaʻi ai lea o i latou.+
Ia e faaeteete i au faamatalaga e fai atu i lau avā pele.
6 Auā e ʻinoʻino le atalii i lona tamā,
E tū atu le tama teine e tetee i lona tinā,+
E tetee atu foʻi le avā a le tama tama i le tinā o lana tane;+
O fili o le tagata, o tagata o lona lava aiga.+
7 A o aʻu, ou te vaavaai atu pea iā Ieova.+
Ou te faatalitali atu pea* i le Atua o loʻu faaolataga.+
E faafofoga mai loʻu Atua iā te aʻu.+
8 Loʻu fili e, aua e te olioli ona o aʻu.
E ui lava ua ou paʻū, ou te toe tū lava i luga;
E ui lava foʻi ua ou nofo i le pōuliuli, ae e fai Ieova ma oʻu malamalama.
9 Ou te lavātia le toʻasā o Ieova,
Auā ua ou agasala iā te ia,+
Seʻia finauina e ia laʻu mataupu faaletulafono ma faia le faamasinogatonu mo aʻu.
E na te avatu aʻu i le malamalama;
Ou te iloa atu foʻi lana amiotonu.
10 E iloa foʻi e loʻu fili
Ma e ufitia o ia i le mā, o lē na faapea mai iā te aʻu:
“O fea o iai Ieova lou Atua?”+
E vaavaai atu oʻu mata i lo‘u fili.
Ona solia lea o ia e pei o le palapala i auala.
12 I lenā aso e latou te ō mai ai iā te oe
Mai i Asuria ma aai o Aikupito,
Mai i Aikupito e oo lava i le Vaitafe;*
Mai i le tasi sami e oo i le isi sami, ma e mai i le tasi mauga e oo i le isi mauga.+
14 Ia e leoleo i lou nuu i lou tootoo, o le lafu o lou tofi,+
O lē sa nofo toʻatasi i le vaomatua, i le ogatotonu o le togālaau ‘aina.
Ia latou aai i Vasana ma Kiliata+ e pei o aso anamuā lava.
15 “Ou te faaali atu iā te outou mea ofoofogia
E pei o aso na outou ō mai ai mai i le atunuu o Aikupito.+
16 E vāai i ai atunuu ma māsiasi ai e ui i lo latou malosi uma.+
E latou te tuu o latou lima i o latou gutu;
O le a tutuli o latou taliga.
17 E latou te etoeto i le pefu e pei o gata;+
E pei o mea fetolofi o le laueleele, e latou te ō mai ma le gatete mai i mea malupuipuia.
E latou te matataʻu iā Ieova lo tatou Atua,
Ma e latou te fefefe foʻi iā te oe.”+
18 O ai se Atua e tusa ma oe,
E faamagalo i sesē ma lē manatua solitulafono+ a ē ua totoe o lona tofi?+
E lē faavavau ona toʻasā o ia,
Auā e fiafia o ia i le alofa faamaoni.+
19 E na te toe faaalia iā i tatou le alofa mutimutivale;+ e na te faatoʻilaloina a tatou mea sesē.
E te lafo foʻi i le sami loloto a latou agasala uma.+