2 Nofoaiga a Tupu

33 E sefulu lua tausaga o Manase+ ina ua fai o ia ma tupu, ma na pule foʻi o ia i Ierusalema i tausaga e lima sefulu lima.+

2 Na ia faia mea leaga i le silafaga a Ieova,+ e tusa ma mea inosia+ a nuu na tuliesea e Ieova mai i luma o le fanauga a Isaraelu.+ 3 Na toe faia e ia o mea maualuluga+ na lepetia+ e Esekia lona tamā, na ia faatūina foʻi fata faitaulaga+ iā Paala,+ ma faia pou paia,+ ua ifo+ foʻi o ia i ʻau uma o le lagi+ ma auauna i ai.+ 4 Ua ia faia fata faitaulaga+ i le fale o Ieova, e tusa ma le mea na fetalai mai ai Ieova: “E iai loʻu igoa i Ierusalema i aso uma lava.”+ 5 Ua ia faia foʻi fata faitaulaga i ʻau uma o le lagi+ i lotoā+ e lua o le fale o Ieova.+ 6 Ua ia faaui ane foʻi ona atalii i le afi+ i le vanu o le atalii o Hinoma,+ ma faia faiga faaagaga,+ ma valovaloga faataulāitu,+ ma faia togafiti faataulāitu,+ ua ia tofia foʻi taulāitu+ ma ē e vavalo+ i mea e tutupu. E matuā tele lava mea leaga na ia faia i le silafaga a Ieova e faatigā ai iā te ia.+

7 Ua ia tuu foʻi le faatusa ua tā+ na ia faia i le fale o le Atua moni,+ lea na fetalai mai ai le Atua iā Tavita ma Solomona lona atalii: “O lenei fale ma Ierusalema, ua ou filifilia+ mai i ituaiga uma o Isaraelu, ou te tuu ai loʻu igoa+ i aso uma lava.+ 8 Ou te lē toe tuliesea foʻi Isaraelu mai i le laueleele na ou tofia+ i o latou augātamā,+ tau lava o lo latou faia e tusa ma mea uma na ou poloaʻi atu ai iā i latou,+ e tusa ai ma tulafono+ uma, o poloaʻiga,+ ma iʻuga o faamasinoga+ na ala mai i le lima o Mose.”+ 9 A ua faasesēina pea e Manase+ o Iuta+ ma tagata e nonofo i Ierusalema ina ia faia mea leaga,+ e sili atu nai lo o nuu na faaumatia e Ieova i luma o le fanauga a Isaraelu.+

10 Na fetalai mai pea Ieova iā Manase ma lona nuu, ae e leʻi faalogo i latou.+ 11 Mulimuli ane, na faaoo mai+ e Ieova taʻitaʻi o le ʻautau a le tupu o Asuria+ ina ia siitaua mai iā i latou, ma ua latou puʻeina Manase a o lafi i lua i papa,+ ua latou saisai+ o ia i faamau ʻapamemea e lua, ma ave i Papelonia. 12 Ina ua mafatia+ o ia, ona ia saʻili lea ia maua le finagalo malie o Ieova lona Atua,+ ma ua matuā faamaulalo+ pea o ia ona o le Atua o ona augātamā. 13 Ua ia tatalo atu pea iā te Ia, ona faafofoga+ mai lea o Ia i lana ʻaiʻoi atu, ua ia faafofoga mai foʻi i lana talosaga ia maua lona finagalo malie, ma ua toe faafoʻisia o ia i Ierusalema i lona tofi o le tupu;+ ona iloa ai lea e Manase o Ieova o le Atua moni.+

14 Ua mavae lenei mea, ona ia fausia lea o se pā i tua+ o le Aai a Tavita+ i le itu i sisifo o Kiona,+ i le ālia e oo atu lava i le Faitotoʻa o Iʻa,+ ua ia faia faataamilo foʻi le pā i Ofele,+ ma ua matuā maualuga lava. Ona ia tuu lea o taʻitaʻi o le ʻautau i aai malupuipuia uma o Iuta.+ 15 Na ia aveesea atua ese,+ ma le faatusa o le tupua+ mai i le fale o Ieova, ma fata faitaulaga+ uma na ia faia i le mauga o le fale o Ieova ma Ierusalema, ona ia lafoaʻi lea i tua o le aai. 16 Ua ia saunia foʻi le fata faitaulaga o Ieova+ ma faia ai i luga taulaga faifaatasi,+ ma taulaga faafetai,+ ma fai atu iā Iuta ina ia auauna iā Ieova le Atua o Isaraelu.+ 17 A ua faaauau pea ona faia e le nuu o taulaga i luga o mea maualuluga;+ ae e na o Ieova lo latou Atua na latou fai taulaga i ai.

18 A o le olaga uma o Manase, o lana tatalo+ i lona Atua, ma upu a ē e vaaia faaaliga+ na tautatala mai pea iā te ia i le suafa o Ieova le Atua o Isaraelu, ua tusia ia i tusi i olaga o tupu o Isaraelu.+ 19 O lana tatalo+ ma le auala na ia tali mai ai i lana ʻaiʻoiga,+ o ana agasala+ uma ma lona lē faamaoni,+ ma nofoaga uma na ia fausia ai mea maualuluga+ ma faatutū ai pou paia,+ ma faatusa ua tā+ a o leʻi faamaulalo+ o ia, ua tusia na mea i upu a ona tagata e vaaia faaaliga. 20 Mulimuli ane, ona taoto lea o Manase faatasi ma ona augātamā,+ ma ua latou tanu+ o ia i lona fale; ua pule foʻi lona atalii o Amone+ e sui iā te ia.

21 E lua sefulu lua tausaga o Amone+ ina ua fai o ia ma tupu, ma e lua tausaga na ia pule ai i Ierusalema.+ 22 Ua ia faia mea leaga i le silafaga a Ieova,+ e pei ona faia e Manase lona tamā;+ ua fai taulaga+ foʻi Amone i faatusa uma ua tā+ na faia e Manase+ lona tamā, ma ua ia auauna pea i ai.+ 23 E leʻi faamaulalo+ o ia i luma o Ieova e pei ona faamaulalo+ o lona tamā o Manase, a ua faateleina e Amone ana agasala.+ 24 Mulimuli ane, ona fouvale+ lea o ana auauna iā te ia, ma fasiotia o ia i lona lava fale.+ 25 A ua fasiotia+ e tagata o le nuu o ē uma na fouvale+ i le Tupu o Amone,+ ona faia lea e tagata o le nuu+ o Iosia+ lona atalii ma tupu e sui iā te ia.