97 Ua fai Ieova ma tupu!+ Inā olioli ia le lalolagi.+
Ia fiafia foʻi le tele o motu.+
2 Ua siʻomia o ia e ao ma le pogisa tele;+
O le amiotonu ma le faamasinoga ua faavae ai lona nofoālii.+
3 Ua alu atu le afi i ona luma,+
Ma ua faaumatia ai ona fili o loo siʻosiʻomia ai o ia.+
4 O ona uila ua faamalamalama ai le laueleele;+
Ua iloa e le lalolagi ona gatete ai lea.+
5 O mauga foʻi, ua liusuavai e pei o le gaʻo ona o Ieova,+
Ona o le Alii o le lalolagi uma.+
6 Ua taʻu mai e le lagi lana amiotonu,+
Ua vāai foʻi tagata uma i lona mamalu.+
7 Ia māsiasi i latou uma e tapuaʻi atu i se tupua ua tā,+
O i latou ia o loo mimita i o latou atua e lē aogā.+
Ia ifo atu iā te ia, outou uma o atua,+
8 Ua faalogo i ai Siona ona olioli ai lea,+
Ua olioli foʻi tamaʻi aai o Iuta+
Ona o iʻuga o au faamasinoga, Ieova e.+
9 Auā o oe Ieova e, o Lē e Silisili Ese i le lalolagi uma;+
Ua silisili ona e maualuga i luga aʻe o isi atua uma lava.+
10 O outou o ē e alolofa iā Ieova,+ ia outou ʻinoʻino i le leaga.+
O loo ia leoleoina ona tagata faamaoni;+
E na te laveaʻiina i latou mai i lima o ē e amioleaga.+
11 Ua susulu atu le malamalama mo ē e amiotonu,+
Ma olioli ai o ē ua saʻo o latou loto.+
12 O outou uma o ē e amiotonu, ia olioli iā Ieova,+
Ia outou avatu le faafetai i lana faamanatuga paia.+