Salamo

11 Ou te sulufaʻi atu iā Ieova.+

E faapefea ona outou fai mai iā te aʻu:

“Inā sola ia e pei o se manulele i lou mauga!+

 2 Faauta! ua loloʻu e ē amioleaga le ʻaufana,+

Ua latou saunia foʻi a latou aū i le ʻaufana,

Ina ia fana atu i le mea pogisa i ē ua saʻo o latou loto.+

 3 Ina ua lepeti i lalo faavae+ o le faamasinogatonu,

O le ā se mea e fai e lē ua amiotonu?”

 4 O Ieova o loo i lona malumalu paia.+

O Ieova o loo i le lagi lona nofoālii.+

E silasila mai ona fofoga, e suʻesuʻe+ e ona fofoga le fanau a tagata.

 5 E suʻesuʻe e Ieova o lē e amiotonu atoa ma lē e amioleaga,+

E inosia lava e Ia le tagata e fiafia i le faasauā.+

 6 E na te faatotō ifo i luga o ē e amioleaga o mailei, o le afi, ma le teiō+

Ma le matagi malosi, o le tofi lea o la latou ipu.+

 7 Auā e amiotonu Ieova;+ ma e fiafia o ia i gaoioiga amiotonu.+

O ē e amio saʻo e latou te vāai atu i ona fofoga.+