Levitiko

7 “‘O le tulafono lenei i le taulaga o le nofosala:+ O se mea e sili ona paia.+ 2 I le nofoaga+ e masani ona latou fasi ai taulaga mū, o le a latou fasi ai foʻi le taulaga o le nofosala ma e sausau+ lona toto+ e soo ai le fata faitaulaga. 3 E na te aumaia lona gaʻo uma,+ o le siʻusiʻu gaʻoa lea, ma le gaʻo uma e ufiufi ai gaʻau, 4 ma fatugaʻo e lua ma le gaʻo i luga o na mea, e tutusa ma mea ia o loo i luga o suilapalapa. O gaʻo i luga o le ate, e na te aveese faatasi ma fatugaʻo.+ 5 E ao i le ositaulaga ona susunu na mea i luga o le fata faitaulaga o se taulaga iā Ieova+ ua faia i le afi. O le taulaga lea o le nofosala. 6 O tane uma o ē ua fai ma ositaulaga e aai ai.+ E aai i se nofoaga paia. O a latou tufaaga o ni mea e sili ona paia.+ 7 E pei o le taulaga o agasala, e faapea foʻi le taulaga o le nofosala. E tasi le tulafono mo na taulaga.+ O le ositaulaga e faia le togisala i le taulaga, e faia lea mo ia.

8 “‘O le ositaulaga e faia le taulaga mū a se tagata, e fai mo ia le paʻu+ o le manu lea ua aumaia e le tagata i le ositaulaga e fai ai le taulaga mū.

9 “‘O taulaga uma i meaʻai ua tao i le ogaumu,+ ma taulaga uma ua faia i se ulo+ ua iai le gaʻo, po ua faia i le uʻamea mafolafola,+ e faia ia mea mo le ositaulaga o lē e faia le taulaga. E fai mo ia nei mea.+ 10 A o taulaga i meaʻai ua iai sina suāuu+ pe mātūtū+ foʻi, o le a vaevae tutusa i atalii o Arona.

11 “‘O le tulafono lenei i le taulaga faifaatasi+ e aumaia e se tasi iā Ieova: 12 Afai e na te aumaia le taulaga e faaalia ai le faafetai,+ e ao la ona ia aumaia faatasi ma le taulaga o le faafetai, o falaoa lapotopoto lē faafefeteina ua iai sina suāuu, ma falaoa manifinifi lē faafefeteina ua nini i le suāuu,+ ma le falaoamata lelei ua liligi i ai le suāuu e fai ma falaoa lapotopoto. 13 E na te aumaia foʻi o falaoa lapotopoto ua faafefeteina,+ e avatu faatasi ma lana taulaga atoa ma le taulaga faafetai o ana taulaga faifaatasi. 14 E ao ona ia aumaia mai i lana taulaga o mea taʻitasi e fai ma tufaaga paia iā Ieova;+ e fai ia mea mo le ositaulaga,+ o lē na te sausauina le toto o le taulaga faifaatasi. 15 E ʻai uma le aano o le manu o le taulaga faafetai o ana taulaga faifaatasi, i le aso lava e faia ai lana taulaga. Aua lava neʻi teua se mea seʻia oo i le taeao.+

16 “‘Afai o le taulaga ua ia ofoina atu o se tautoga,+ po o se taulaga tauofo,+ ia ʻaina lea taulaga i le aso e faia ai lana taulaga, ma e mafai foʻi ona ʻaina i le aso e sosoo ai mea e totoe. 17 A o mea e totoe o le aano o le taulaga i le aso lona tolu, e susunuina i le afi.+ 18 Peitaʻi pe afai e ʻaina lava sina aano o le taulaga faifaatasi i le aso lona tolu, o lē e aumaia le taulaga o le a lē finagalo malie+ i ai le Atua. E lē aogā lana taulaga iā te ia.+ E avea ma mea inosia, ma e tali atu i ai lē na ʻaina sina aano ona o lana agasala.+ 19 Aua neʻi ʻaina le aano e paʻi i se mea lē mamā.+ E susunu i le afi. A o isi aano e aai ai ē uma e mamā.

20 “‘O le tagata e ʻaina le aano o le taulaga faifaatasi lea e avatu iā Ieova a o lē mamā o ia, o le a fasiotia lava o ia.+ 21 Afai e paʻi se tasi i se mea lē mamā, o se mea e lē mamā ai se tagata,+ po o se manu lē mamā,+ po o se mea e inosia,+ ma ua ia ʻai i le aano o le taulaga faifaatasi lea e avatu mo Ieova, e fasiotia lea tagata.’”

22 Ua toe fetalai mai Ieova iā Mose e faapea: 23 “Ia fai atu i le fanauga a Isaraelu e faapea, ‘Aua neʻi outou aai i le gaʻo+ o le povi, po o se tamaʻi mamoe poʻa, po o se ʻoti. 24 E mafai ona faaaogā le gaʻo o le tino o le manu ua mate ma le gaʻo o se manu ua saeia+ e se isi manu mo se isi lava fuafuaga, ae aua lava tou te aai ai. 25 Auā o so o se tasi e ʻai i le gaʻo o le manu lea e ofo atu o le taulaga iā Ieova ua faia i le afi, e fasiotia+ le tagata e ʻaina lea mea.

26 “‘Aua neʻi outou aai i le toto+ i so o se nofoaga tou te nonofo ai, e tusa lava po o le toto o se manufelelei po o le toto o se manu. 27 O so o se tasi e ʻai i le toto, e fasiotia+ lea tagata.’”

28 Ua fetalai mai pea Ieova iā Mose e faapea: 29 “Ia fai atu i le fanauga a Isaraelu e faapea, ‘O lē na te avatua lana taulaga faifaatasi iā Ieova, e na te aumaia lana taulaga iā Ieova mai i lana taulaga faifaatasi.+ 30 E na te aumaia i ona lima le gaʻo+ ma le fatafata o le taulaga iā Ieova ua faia i le afi. E na te aumaia le gaʻo faatasi ma le fatafata ina ia lūlū i le isi itu ma le isi itu, e fai ma taulaga lūlū+ i luma o Ieova. 31 E ao ona susunu+ e le ositaulaga le gaʻo i luga o le fata faitaulaga ae e fai mo Arona ma ona atalii le fatafata.+

32 “‘Ia outou avatu le alagavae taumatau i le ositaulaga, o le tufaaga paia+ mai i a outou taulaga faifaatasi. 33 O le atalii o Arona, o lē e avatua le toto o le taulaga faifaatasi ma le gaʻo, e fai mo ia le alagavae o lana tufaaga lea.+ 34 Ou te aumaia i le fanauga a Isaraelu mai i a latou taulaga faifaatasi, o le fatafata o le taulaga lūlū,+ ma le alagavae o le tufaaga paia, ou te avatu na mea iā Arona le ositaulaga ma ona atalii mai i atalii o Isaraelu, o le tuutuuga mo se taimi umi.

35 “‘O le tufaaga a le ositaulaga o Arona ma ona atalii mai i taulaga iā Ieova ua faia i le afi, mai i le aso na ia aumaia+ ai i latou ina ia auauna o ni ositaulaga iā Ieova, 36 e pei ona poloaʻi mai ai Ieova e avatu na mea iā i latou, mai i le aso na ia faauuina+ ai i latou mai i atalii o Isaraelu. E fai ma tulafono mo se taimi umi iā i latou ma o latou tupulaga o loo mulimuli mai.’”+

37 O le tulafono lenei i le taulaga mū,+ o le taulaga i meaʻai,+ o le taulaga o agasala,+ o le taulaga o le nofosala,+ o le taulaga o le tofiga,+ ma le taulaga faifaatasi,+ 38 e pei ona poloaʻi mai ai Ieova iā Mose i le Mauga o Sinai+ i le aso na ia poloaʻi mai ai i le fanauga a Isaraelu, ia avatu a latou taulaga iā Ieova i le toafa o Sinai.+