Salamo

23 O Ieova o loʻu Leoleo Mamoe o ia.+

E leai se mea ou te mativa ai.+

 2 E na te ave aʻu i laufanua lauolaola ou te taoto ai;+

E na te taʻitaʻi foʻi iā te aʻu i tafatafa o mea e mālōlō ai e iai vai.+

 3 E na te faafouina aʻu.+

E na te taʻitaʻi aʻu i ala o le amiotonu ona o lona suafa.+

 4 E ui lava ina ou savali i le vanu e matuā pogisa,+

Ou te lē fefe lava i se mea leaga,+

Auā o oe e ta te faatasi ma aʻu;+

O lau laau ma lou tootoo e faamāfanafanaina ai aʻu.+

 5 Ua e laulau mai meaʻai i le laoai mo aʻu i luma o ē e ita mai iā te aʻu.+

Ua e uu loʻu ulu i le suāuu;+

Ua taumasuasua foʻi laʻu ipu.+

 6 E moni, e mulimuli mai iā te aʻu le agalelei ma le alofa faamaoni i aso uma o loʻu ola;+

Ou te nofo foʻi i le fale o Ieova i aso e tele lava.+