Salamo

145 Loʻu Atua e, le Tupu,+

ou te faaeaina lava oe, Ou te vivii atu i lou suafa e faavavau, faavavau lava.+

 2 Ou te vivii atu iā te oe i le aso atoa,+

Ou te vivii atu i lou suafa e faavavau, faavavau lava.+

 3 E silisili Ieova ma e tatau ona matuā viia o ia;+

E lē masuʻesuʻeina foʻi lona silisili ese.+

 4 E viiviia e lea tupulaga ma lea tupulaga au galuega;

E latou te taʻutaʻu atu au galuega mamana.+

 5 E latou te tautatala atu i le matagofie o le viiga o lou mamalu+

Ma ou te manatunatu loloto i au galuega ofoofogia.

 6 E latou te talanoa e uiga i au galuega* mata‘utia;

Ma ou te faalauiloa atu foʻi lou silisili ese.

 7 E latou te taʻutaʻu atu le tele o lou agalelei,+

Ma e latou te alalaga fiafia foʻi ona o lau amiotonu.+

 8 E tigā alofa* Ieova ma alofa mutimutivale,+

E telegese lona toʻasā ae e tele lona alofa faamaoni.+

 9 E agalelei Ieova i meafaiola uma lava,+

E faamaonia lona alofa mutimutivale i ana galuega uma.

10 Ieova e, e faamamaluina oe e au galuega uma,+

E vivii atu foʻi iā te oe ou tagata faamaoni.+

11 E latou te faailoa atu le mamalu o lou malo+

Ma taʻutaʻu atu e uiga i lou mana tele,+

ל [Lameta]

12 Ina ia faailoa atu i tagata au galuega mamana+

Ma le matagofie o le mamalu o lou malo.+

13 O lou malo, o le malo e faavavau lea,

O lau pule e tumau e oo atu i augātupulaga uma.+

14 E lagolago e Ieova i latou uma ua paʻuʻū,+

Ma faatulaʻi i latou uma ua faanoʻunoʻu.+

15 E faasaga atu iā te oe mata uma lava ma le faamoemoe;

Ua e avatu iā i latou a latou meaʻai i le taimi e tatau ai.+

16 Ua e faamafola lou aao

Ma faamalie le manaʻo o meafaiola uma lava.+

17 E amiotonu Ieova i ona ala uma+

Ma e faamaoni i mea uma e na te faia.+

18 E latalata Ieova iā i latou uma e valaau atu iā te ia,+

O i latou uma e valaau atu iā te ia ma le faamaoni.+

19 E faamalieina e ia o mea e mananaʻo ai ē e matataʻu iā te ia;+

E faafofoga foʻi o ia i a latou alaga mo se fesoasoani, ma ia lavea‘ia i latou.+

20 E leoleoina e Ieova i latou uma e alolofa iā te ia,+

Ae e na te faaumatia i latou uma e amioleaga.+

21 E ta‘uta‘u atu e loʻu gutu viiga o Ieova;+

Ia vivii atu tagata uma i lona suafa paia e faavavau, faavavau lava.+