O le Pese a Ē Ō Aʻe i le Aai.
126 Ina ua toe faapotopoto mai e Ieova i latou na ave faapagota o Siona,+
Na faapea i tatou o loo fai sa tatou miti.
2 I lea taimi, na tutumu ai o tatou gutu i taliēega,
Ma o tatou laulaufaiva i le alaga fiafia.+
I lea taimi, na latou faapea atu ai i atunuu:
“Ua faia e Ieova mea tetele mo i latou.”+
3 Ua faia e Ieova mea tetele mo i tatou,+
Ma ua tatou matuā fiafia ai.
4 Ieova e, inā toe faapotopoto mai ia o matou tagata na ave faapagota,
E pei o alāvai i le Nekepi.
5 O i latou e lūlū fatu ma loimata
E selesele mai ma le alaga fiafia.
6 A o lē e alu atu pea, e ui ina tagi,
Ma ave lana taga e tumu i fatu,
E foʻi mai lava ma le alaga fiafia,+
Ma aumai ana fusi saito.+