Salamo

 2 Ua siʻomia o ia e ao ma le pogisa tele;+

O le amiotonu ma le faamasinotonu, ua faavae ai lona nofoālii.+

 3 Ua muamua i ona luma le afi+

Ma faaumatia ai ona fili i itu uma.+

 4 O ona uila ua faamalamalama ai le laueleele;

Ua iloa e le lalolagi, ona gatete ai lea.+

 5 Ua liusuāvai mauga e pei o le gaʻo* i luma o Ieova,+

I luma o le Alii o le lalolagi uma.

 6 Ua taʻutaʻu mai e le lagi lana amiotonu,

Ua vāai foʻi tagata uma i lona mamalu.+

 7 Ia māsiasi i latou uma e tapuaʻi atu i se tupua ua tā,+

O i latou ia o loo mitamita e faatatau i o latou atua e lē aogā.+

 8 Ua faalogo i ai Siona ma olioli ai;+

Ua olioli foʻi tamaʻi aai o* Iuta

Ona o au faamasinoga, Ieova e.+

 9 Auā o oe Ieova e, o Lē e Silisili Ese i le lalolagi uma;

Ua silisili ona faaeaina oe i isi atua uma.+

O loo ia leoleoina ola o ona tagata faamaoni;+

E na te laveaʻiina i latou mai i lima* o ē e amioleaga.+

11 Ua susulu atu le malamalama mo ē e amiotonu,+

Ma olioli ai o ē ua saʻo o latou loto.

12 O outou o ē e amiotonu, ia olioli iā Ieova,

Ia outou avatu le faafetai i lona suafa paia.*