“Na Maligi Ifo Oʻu Loimata”

“Faatōʻa uma lava ona tatala laʻu Ala Mai! o Mati 8, 1995, ma ou faitauina le mataupu o loo i le faavaa lea e faamatala ai le polosiua Pe a Maliu se Tasi e Pele i a te Oe. Ua faaulutalaina le mataupu faapea ‘Sa Matuā Faigata Tele ona Ou Ola aʻe e Aunoa ma Ia.’ Na maligi ifo oʻu loimata a o oʻu faitauina faamatalaga mai se tagata talavou i Oseteria na maliu lona tamā i le sefulu tausaga ua tuanai. Ua 50 nei oʻu tausaga, ae na maliu loʻu tama ina ua 7 oʻu tausaga. Na maliu o ia i le kanesa i le 39 o ona tausaga. Sa amata oʻu faanoanoaga ona o lona maliu a o taofia aʻu i le falemaʻi ona o se aafiaga tele sa ou maua ai i mafatiaga o le mafaufau i le ono tausaga ua tuanai. Sa ou maua pea togafitiga faafomaʻi mo le lima tausaga ma sa ou aʻoaʻoina le auala e mafai ai ona onosaia tulaga e sili ona faigata.

“A o oʻu lei faitauina lenei tusi mai Oseteria, sa ou talitonu o loo iai se mea o loo matuā sese a lē o aʻu, ia o loʻu faatuatua. Sa ou manatu ua na o aʻu lava le tagata lea e iai lenei faalogona gaogao ma le tiga tele o le toesea o loʻu tamā. Ae o se faalaeiauga tele le iloaina e lē na o aʻu, ae e iai isi o loo iai faalogona ia e pei foi ona ia te au.

“Sa ou faitauina atoa le polosiua Pe a Maliu se Tasi e Pele i a te Oe. I loʻu lava manatu, o se lomiga sili lenei ua tusia muamua mo oʻu lava manaoga.”—Mrs. A. G., Connecticut, U.S.A.

Pe ua maliu se tasi e pele ia te oe? Pe e te fia mauaina faamafanafanaga moni ua saunia e le Tusi Paia? Ia talosagaina nei loa sau kopi o lenei polosiua e 32 ona itulau i lou tusi atu lea i le I.B.S.A., Box 673, Apia, Western Samoa, po o se tuatusi talafeagai o loo lisiina i le itulau e 5 o lenei mekasini.