“O Fafine—E Tatau Ona Ava iā i Latou”

Na auai se teine aʻoga i Initia e 17 tausaga i se tauvaga lauga i lana aʻoga. Na ia filifili e faaaogā manatu mai le mataupu autū o le Ala Mai! faa-Peretania o Iulai 8, 1992: “O Fafine—E Tatau Ona Ava iā i Latou.”

O le matua o lana lauga “O Fafine—Po o Faaaloalogia i Latou i Nei Aso?” O le ā le tulaga na oo i ai? Na ia faamatala e faapea: “Na ou sili i le tauvaga. Ou te fia faailoa atu i le Ala Mai! loʻu talisapaia tele. E matuā aogā tele mo i matou talavou ona e lē gata ina matou iloa ai le tele o mea, ae faapea foʻi ma mea o loo tutupu i le taimi nei. E fesoasoani mai foʻi ina ia matou faafesagaʻia ai omiga o lenei lalolagi.”

Pe sa e fiafia a o e faitauina le Ala Mai! lenei? Ua tusia mo le faamalamalamaina o le aiga atoa, ae lē mo na o talavou. Ua matuā iloiloina e lenei mekasini mataupu ma faasino atu i le uiga moni o mea o loo tutupu. E taʻi tolu masina ma lomiaina i le gagana Samoa. Aua neʻi misia sau kopi!