O se Tagata e Leʻi Fefe

VAAI i tagata na e ula atu i le tamaloa lena. Pe e te iloa o ai ia? O Ieremia lena. O ia o se perofeta tāua tele a Ieova.

Ina ua uma ona faaleaga e Iosia tupua i fafo o le nuu, na fetalai Ieova i a Ieremia e avea o ia ma ana perofeta. Peitai na manatu Ieremia e laitiiti tele o ia e fai ma perofeta. Ae na tulei Ieova o le a Ia fesoasoani iā te ia.

Na taʻuina atu e Ieremia i a Isaraelu e aua le toe faia mea e leaga. ‘O atua na, e tapuai i ai nuu ese e sese,’ o lana tala lea. Ae toatele tagata Isaraelu e fia tapuai i tupua na i lo le Atua moni o Ieova. Ina ua taʻuina atu e Ieremia o le a faasalaina i latou e Ieova ona o a latou mea leaga, sa latou toē iā te ia.

Sa tele tausaga na mavae. Ua oti Iosia, ma mavae le tolu masina ona avea lea o lona atalii o Ioakima ma tupu. Sa fai atu pea Ieremia i tagata: ‘O le a faaumatia Ierusalema pe afai e le suia o outou ala leaga.’ Na pueina e le au faitaulaga Ieremia ma valaau: ‘E tatau ona fasiotia oe ona ua e fai mai na upu.’ Sa latou taʻuina i alii sili o Isaraelu: ‘E tatau ona fasiotia Ieremia, auā ua tautala ia faasaga i lo tatou aai.’

O le ā o le a fai nei e Ieremia? E le o fefe o ia! Na fai atu o ia i a i latou uma lava: ‘Ua auina mai au e Ieova e taʻu atu nei mea i a te outou. Afai e le suia o outou ala leaga, o le a faaumatia e Ieova Ierusalema. Ia mautinoa lenei mea: Afai tou te fasiotia au, ua outou fasiotia le tagata na te lei faia se mea leaga.’

Na faaolaina e alii sili Ieremia, a e lei suia lava e Isaraelu o latou ala leaga. Mulimuli ane ona sii tau ai lea o Nepukanesa le tupu o Papelonia i a Ierusalema. I le faaiʻuga, sa faia ai e Nepukanesa Isaraelu ma ana auauna. Na ia aveina le tele o afe o i latou i Papelonia. Sei mafaufau i se mea uiga ese o le aveeseina o oe e ni tagata ese mai i lou aiga i se laueleele e te le masani ai!