Faaupuga Autū i le Tusi o Esekielu

“Le Atalii e o le Tagata”

SILIA MA LE 90 TAIMI

E silia ma le 90 taimi o loo taʻua ai Esekielu o ʻle atalii o le tagata.’ (Eseki. 2:1) Na faamanatu atu e Ieova iā te ia, e ui ua ia maua ni faaeaga tetele ae ua na o ia o se tagata faatauvaa. O le mea e mataʻina ai, e pe ā ma le 80 taimi o loo taʻua ai Iesu o “le Atalii o le tagata” i tusi o Evagelia, e faaalia ai na avea moni lava o ia ma tagata ae e lē o se agelu na liutino tagata.—Mata. 8:20.

ʻOna Iloa ai Lea o Aʻu Lava o Ieova’

SILIA MA LE 50 TAIMI

E silia ma le 50 taimi na faamauina ai e Esekielu fetalaiga a le Atua, ʻona iloa ai lea o aʻu lava o Ieova,’ ina ia faamatilatila ai le manatu e na o Ieova e tatau ona avatu i ai le tapuaʻiga mamā.—Eseki. 6:7.

“Le Alii Pule Silisili Ese o Ieova”

SILIA MA LE 200 TAIMI

E silia ma le 200 taimi o loo faaaogā ai le faaupuga “le Alii Pule Silisili Ese o Ieova,” e faamatilatila ai le tulaga maualuga o le suafa o le Atua ma e tatau i foafoaga uma ona gauaʻi atu iā Ieova.—Eseki. 2:4.