Ua Latou Aufaatasi i se Auuso Autasi

O Aokuso 7, 1993, i le Malae Taalo o le Malo i Kiev, Ukraine. O le sili atu i le 64,000 na auai, sa vaavaai atu ma le naunautai i le oo mai o le taimi. O lea, i le tali atu i fesili tāua e lua, na alalaga atu ai le faitau afe o tagata “Da!” (“Ioe!”) I lenei auala, na latou faalauiloa atu ai i le lautele lo latou faatuatua, ma ō atu loa e faatinoina lo latou tuuina atu ia Ieova le Atua, e ala i le papatisoina i se tasi o vaitāele e ono i le malae taalo.—Mataio 28:19.

I lea, i lenei aso lona tolu o le Tauaofiaga faavaomalo a Molimau a Ieova, o “Aʻoaʻoga Mai le Atua,” na vaaia ai e le aofia se mea mataina: e toʻa 7,402 na papatisoina ma na avea ai o se vaega, e lē o se lotu fevaevaeai ae o se faapotopotoga autasi faa-Kerisiano i le lalolagi aoao.

Afai e te fia iloa atili e uiga i le autasi faa-Kerisiano moni, faamolemole tusi atu i le I.B.S.A., Box 673, Apia, Western Samoa, po o se tuatusi talafeagai o loo lisiina mai i le itulau e 2.