O le ā se Lumanai mo O Tatou Talavou?

O LE faamataʻu o mea faaniukelea—tusa lava po o pomu a tagata faatupu faalavelave, po o ni faalavelave faafuasei mai nofoaga e gaosia ai mea faaniukelea—o loo matatau ai pea tagata uma. E lē taumatea o le a e popole faapitoa lava i le fanau iti, e aofia ai ma lau lava fanau po o fanau a lau fanau. Pagā se tulaga faanoanoa e iloa o loo lamatia le soifua malōlōina ma le lumanai o soo se tamaitiiti i le faamatau mai o mea faaniukelea.

Ae ia loto tetele aua le faavaivai. E iai se mafuaaga lelei mo oe e te vaavaai atu ai mo se lumanai lelei o lau fanau iti. O le faavae mo le faamoemoe, e lē faaautū i taumafaiga a tagata mo le puipuiga o a tatou fanau iti, ae i se lumanai e faalagolago atu i aao o Lē na Foafoaina i tatou.

Ina o aʻoaʻo atu Iesu, le Alo o le Atua i Sasaʻe Tutotonu, sa ia faaalia le manatu mamafa i tamaiti. (Mareko 9:36, 37, 42; 10:13-16) Ua faaalia e le Tusi Paia e faapea, o le a faapena foi ona faaalia lea manatu mamafa pe a oo ina faaiuina atoatoa e le Atua le faamataʻu o mea faaniukelea ma faavae se parataiso i le lalolagi atoa. E mafai e a tatou fanau laiti ona olioli i lena mea, ma e faapena foi oe.

Afai e te manaomia nisi faamatalaga atili, pe manao foi e asiasi atu se tasi e faia se suesuega faale-Tusi Paia ma oe i le aiga e aunoa ma se totogi, faamolemole tusi atu i le I.B.S.A., Box 673, Apia, Western Samoa, po o se tuatusi talafeagai o loo lisiina mai i le itulau e 2.