Ua Valaaulia Oe ma le Faaaloalo

O le maliu o le tagata o Iesu Keriso i le sili atu i le 1,900 tausaga ua mavae, o se mea aupito tāua lea na tupu i le tala faasolopito o le tagata. Ua tatala mai ai le faamoemoe o le mauaina o le ola e faavavau i se lalolagi parataiso. A o faagasolo se sauniga faigofie, na faaaogā ai e Iesu le areto lē faafefeteina ma le uaina e fai ma sui o lana taulaga agaalofa faaletagata. Ona ia fetalai atu lea i ōna soo: “Tou te faia le mea nei e fai ma faamanatuga ia te au.” (Luka 22:19) Pe o le a e manatuaina lenei mea tāua na tupu? Ua valaaulia oe ma le māfana e Molimau a Ieova ina ia e aufaatasi ma i latou i le tausiaina o lenei faamanatuina o le faamanatuga. O le a faia i le mavae o le goto o le la i le aso e fetaui ma Nisani 14 i le kalena faalemasina a le Tusi Paia. E mafai ona e auai i le Maota o le Malo e latalata ane i lou aiga. Fesili i Molimau a Ieova i lou vaipanoa mo le taimi tonu ma le nofoaga e faia ai. O le aso mo le faamanatuga i le 1995 o le a paū i le Aso Faraile, Aperila 14.