LOMIGA MO SUʻESUʻEGA

SUʻESUʻEGA

▪ Ia Lototele​—E Faatasi Ieova ma Oe!

Na faaalia e le toʻatele o tagata o loo taʻua i le Tusi Paia le faatuatua ma le lototele. E faamalosia i tatou e faaalia le faatuatua ma auauna iā Ieova ma le lototele, i lo tatou iloiloina lea o mea na tutupu iā i latou. O loo faamatilatila i lenei mataupu le mau o le tausaga e 2013.

▪ Ia Leai se Mea e Vavaeesea Oe Mai iā Ieova

▪ Ia Mafuta Vavalalata Atu Pea iā Ieova

E iai vala o o tatou olaga e lē mafai ona fai ai sa tatou filifiliga. E aofia ai o tatou mātua, o tatou uso ma tuafāfine, faapea nofoaga e tatou te fananau ai. E ese mai ai la tatou faiā ma Ieova. E mafai ona tatou filifili pe mafuta vavalalata atu iā te ia pe leai. O le a talanoaina i nei mataupu vala e fitu o le olaga, lea e lē tatau ona avea ma māfuaaga e vavaeeseina ai i tatou mai iā Ieova.

▪ Auauna e Aunoa ma Faalogona Nofosala

E tatou te faia ni gaoioiga e mulimuli ane o tatou nofosala ai. Peitaʻi, e lē tatau ona avea na faalogona nofosala ma itu e faavaivaia ai i tatou i le auaunaga iā Ieova. I lenei mataupu, o le a tatou aʻoaʻoina mai ai i le faaaʻoaʻoga a Paulo, le auala e auauna ai iā Ieova e aunoa ma faalogona nofosala.

▪ O Toeaina​—O se ʻʻAufaigaluega mo lo Tatou Olioli’

Na taʻua e Paulo i lana tusi lona lua i le faapotopotoga i Korinito, o i latou ʻo le ʻaufaigaluega faatasi mo lo outou olioli.’ (2 Kori. 1:24) O le ā se aafiaga o na upu i toeaina Kerisiano? E faapefea ona tatou saosaolaumea i le fiafia o le faapotopotoga? O le a talanoaina i lenei mataupu tali o na fesili.