O Le Ā Le Manatu O Le Tusi Paia?
Po o tagata na amataina lotu?
E MANATU NISI na amata e tagata lotu; a o isi e manatu ua faaaogā e le Atua lotu e fesoasoani ai i tagata ina ia vavalalata atu iā te ia. Ae o le ā sou manatu?
LE MANATU O LE TUSI PAIA
E iai le tapuaʻiga e “mamā ma lē taʻuleagaina i le silafaga a le Atua lo tatou Tamā.” (Iakopo 1:27) O le tapuaʻiga e mamā pe e moni, e mai i le Atua.
ISI MEA E TATOU TE AʻOAʻOINA MAI I LE TUSI PAIA
Ina ia faafiafia le Atua, e tatau ona faavae se tapuaʻiga i upu moni o le Tusi Paia.—Ioane 4:23, 24.
O tapuaʻiga e faavae i manatu o tagata e iʻuvale. —Mareko 7:7, 8.
Pe e manaʻomia ona e auai i se lotu?
O LE Ā LAU TALI?
Ioe
Leai
Atonu
LE MANATU O LE TUSI PAIA
“Ia tatou manatunatu foʻi le tasi i le isi ina ia faatupu ai le alofa ma galuega lelei, aua neʻi tuulafoaʻiina le faapotopotoina o i tatou.” (Eperu 10:24, 25) E finagalo le Atua ia faapotopoto ona tagata tapuaʻi o se vaega ua faamaopoopoina.
ISI MEA E TATOU TE AʻOAʻOINA MAI I LE TUSI PAIA
E tatau ona autasi i talitonuga i latou e tapuaʻi faatasi i le Atua.—1 Korinito 1:10, 11.
Ua faia aʻe se ʻauuso i le lalolagi aoao i sui o le tapuaʻiga ua finagalo malie i ai le Atua.—1 Peteru 2:17.