Pe a Foliga Mai ua lē Mafai Ona Onosaia le Olaga

Mo se faaaʻoaʻoga, o Sallya i le Iunaite Setete na leiloloa uma ana meafaitino i se afā, na ia faamatala mai: “Na ou lagona e lē mafai ona ou toe onosaia nisi popolega. O le tele o aso na ou lagona ai ua mou atu loʻu malosi.”

Ae faapefea pe a maliu se tasi e pele iā te oe? Na faapea mai Janice e nofo i Ausetalia: “Ina ua maliliu laʻu fanau tama e toʻalua, sa ou faia le mea sili ou te mafaia e toe faaleleia ai oʻu faalogona e pei o loo tau tuufaatasi se ipu ua nutililii. Na ou ōle atu i le Atua: ʻFaamolemole ua lē mafai ona ou toe onosaia nisi tigā! Ua ou fia oti. Ou te lē manaʻo ou te toe ola.’”

O se isi faaaʻoaʻoga, sa matuā lē fiafia Daniel ina ua lē faamaoni lana avā iā te ia. Na ia faamatala mai: “Ina ua faatoese mai laʻu avā i lona lē faamaoni i le ma mafutaga, sa pei o se naifi ua tuia ai loʻu fatu. Na ou lagona pea lenei tigā matuitui mo se taimi umi.”

O le a talanoaina i lenei Olomatamata pe aiseā e tāua ai le ola pea e ui i

• Mala

• Le maliu o sē e pele

• Le lē faamaoni o se paaga faaipoipo

• Le feagai ma se maʻi tugā

• Le matuā faigatā o le olaga

Muamua, e faapefea ona tatou fesagaʻia mala?