Pusa Fesili
● E tatau faapefea ona tagaʻi Molimau a Ieova i lipine puʻe leo mai isi nofoaga na i lo le Sosaiete?
Ua saunia e le Sosaiete le fau ma soloi o taumafa faaleagaga i ituaiga eseese, e aofia ai kaseti o lipine puʻe leo. Ua aofia i nei kaseti faitauga o le Tusi Paia ma isi e faavae i lomiga a le Sosaiete, e pei o Le Olomatamata, Awake!, Lau Tusi o Tala o Le Tusi Paia, ma le Listening to the Great Teacher. Ua gaosia foi musika o le Malo ma nisi o tala. Peitai, e manaomia ona tatou faatino le faaeteete e uiga i lipine puʻe leo e feaveaʻi solo ma atonu e foliga mai e tali uiga tutusa. Ona o i tatou o se ʻau uso mau faatuatuaina, atonu i se taimi e talia ma faalogologo ai nisi i kopi o lipine mai isi e aunoa ma le mautinoa o lo latou amataga.
I nisi taimi o lauga puʻe ma feaveai o ni manatu tau matemate po o le faaaogāina o faamatalaga e faagaee ai. Pe ua lē atamai ai la ona mulimuli i le fautuaga a Paulo i le 2 Timoteo 3:14? Ina ua maeʻa ona lapataia e Paulo faatatau i ē taupelopelo i ina, ona faamamafa lea o le tāua o le iloaina o tagata o loo tatou faalogologo i ai. E manaomia ona tatou mautinoa tatou te lē o faalogo i so o se mea e “sili . . . i le mea ua tusia” i Tusitusiga Paia ma i taumafa faaleagaga ua saunia e le “auauna faamaoni ma le mafaufau.”—1 Kori. 4:6; Mata. 24:45-47.
Ua faasalalauina ma faatauina i nisi nofoaga lipine mo le aʻoaʻoina o fanau i le Tusi Paia. O nei lipine e faapea e puna mai uso ma ua feaveaʻi solo i totonu o nisi faapotopotoga. A o foliga mai e lelei le mafuaaga, pe ua lē iʻu ai i le faaaogāina o fesootaiga faatiokarate mo aogā totino. (Tagaʻi i La Tatou Auaunaga o le Malo, Iulai 1977, itulau 4, ma La Tatou Faiva o le Malo, Setema 1987, itulau 2.) Ua saunia e le faalapotopotoga a Ieova e sili atu i le mea e manaomia faatonuga e faavae i le Tusi Paia e toleniina ai a tatou fanau. O lea, matou te lē fautuaina le feaveaʻia o na lipine.
Atonu e puʻe e nisi tagata lipine o sauniga a le faapotopotoga po o polokalama o fonotaga ma tauaofiaga mo lo latou faaaogāina totino. E mafai foi ona talisapaia na lipine e sui o le faapotopotoga o ē na lē mafai ona auai i sauniga ona o nisi o mafuaaga tatau. Peitai, e lē tatau ona tufatufaina ia i le va o uso i le lautele pe ofo e faatau i isi. Tau ina tatou faaaogāina atoatoa mea uma ua saunia e Ieova e ala i lana faalapotopotoga mo le faalaeiauina ma le atiina aʻe o i tatou faaleagaga.