Pusa Fesili

● O le ā le faasologa e tatau ona uia i le sauniga faapitoa e aofia ai le Suesuega Tau Tusi a le Faapotopotoga i le vaiaso o le asiasiga a le ovasia matagaluega?

I le taimi o le asiasiga a le ovasia matagaluega, ua faia faatatauga mo le faapotopotoga atoa e aofaga potopoto i le Maota o le Malo mo se sauniga faapitoa e aofia ai le Suesuega Tau Tusi a le Faapotopotoga, o se iloiloga o faamatalaga tau i le Tusi Paia ma le faalapotopotoga ua faaulutalaina “Faaauau i Mea Ua E Aʻoaʻoina,” ma se lauga o le auaunaga o le a faia e le ovasia matagaluega. E sili ona faia lenei sauniga i le pō o le Aso Tofi po o le Aso Faraile.

E amata le sauniga i le pese ma le tatalo, ona aaoina lea e se tasi o toeaiina le Suesuega Tau Tusi a le Faapotopotoga mo le 45-minute. E tatau ona faia se taumafaiga e ufitia uma le mataupu tofia mo le vaiaso, e le faitauina uma o palakalafa, e pei lava ona aaoina masani i le suesuega faifai pea i vaiaso. E sosoo le Suesuega Tau Tusi a le Faapotopotoga ma le usuina o le isi pese o le Malo. Ona faaaogā lea e le ovasia matagaluega o le 30 minute e taulimaina ai le vaega “Faaauau i Mea Ua E Aʻoaʻoina.” A maeʻa lena, na te aaoina se lauga o le auaunaga e 30-minute ua fetuutuunai faapitoa i manaoga o le faapotopotoga o loo tautuaina. Na te avatu i le lauga o le auaunaga, le faamalo talafeagai ma se fautuaga ua fuafuaina e atiina aʻe ai le faapotopotoga ma faalaeiauina uso e tumau mausali i le auaunaga o le Malo.

E faaiʻuina le sauniga i le pese ma le tatalo. O pese uma e faaaogā e ao ona filifilia e le ovasia matagaluega. E lē tatau ona silia ma le lua itula, le polokalama atoa, e aofia ai pese ma tatalo.

O lenei faatatauga na amataina i le 1977 ua tele sona sao i le avea o le asiasiga a le ovasia matagaluega o se mea faapitoa mo le olioli ma le lelei o le faapotopotoga atoa ma mo tagata talaʻi taitoatasi o ē auai ma saosaolaumea i lenei sauniuniga matagofie a le faalapotopotoga a Ieova.