Faasilasilaga

● Lomiga e ofo mo Fepuari: So o se tusi faa-Peretania pe faa-Samoa e 192-itulau na lomia i tua atu o le 1980 o loo iai i le faapotopotoga. E lelei ona faaaogā le tusi Le Manuia Moni ma Le Saogalemu—Mai le a Le Puna?, pe afai o loo maua. Ae afai e lē o maua i le faapotopotoga, e mafai ona talosagaina le tusi Manuia Moni mai le ofisa o le lala. Mati: O le tusi faa-Peretania Revelation Climax. Mo i latou o ē lē mafai ona tautatala faa-Peretania, ofo so o se tusi faa-Samoa e 192-itulau. Aperila ma Me: Tusiga o le Olomatamata.

● E ao i le failautusi ma le ovasia o le auaunaga ona autaluina galuega a paeonia sauatoa uma. Afai o faafaigata i so o se tasi ona ausia itula manaomia, e ao i toeaina ona fuafua mo se fesoasoani e avatu. Autalu le Tusi a le Sosaiete (S-201) o Oketopa 1, 1989, ma Oketopa 1, 1990, mo ni faufautuaga. Tagaʻi foi i palakalafa e 12-20 o le sulu o La Tatou Faiva o le Malo o Aokuso 1986.

● O faamanatu o loo mulimuli mai, e faatatau i le auaunaga faapaeonia:

○ E ao ona faia se faasilasilaga i le faapotopotoga pe a faamuta e se paeonia sauatoa lana auaunaga paeonia. Atonu e tau ina faapuupuu faapea le faasilasilaga: “E faailoa atu i le faapotopotoga o [igoa] ua lē toe avea ma paeonia sauatoa.”

○ O itula faaletausaga e manaomia mo paeonia sauatoa o loo tumau pea i le 1,000 itula.

○ A o leʻi mafai ona iloiloina se tasi mo le auaunaga paeonia lagolago pe sauatoa e tatau ona faatali seʻi mavae se tausaga atoa talu ona aʻoaʻia pe toe faaeaina.—Tagaʻi i le sulu o La Tatou Faiva o le Malo, Aokuso 1986, palakalafa 21 ma le 23.

● O le a usuia le faamanatuina o le Faamanatuga i le Aso Toonai, Mati 30, 1991. E ui ina mafai ona vave amata le lauga, faamolemole ia manatua o le faasoaina o le areto ma le uaina o le Faamanatuga e lē tatau ona amataina seia goto le la. Siaki puna o faamatalaga i lou nofoaga e faamautinoa ai le taimi e goto ai le la i lou vaipanoa. E leai ni sauniga seʻi vagana le auaunaga i le fanua e faafoeina i lena aso. O faapotopotoga e iai sa latou sauniga ua faatulagaina pea i le Aso Toonai e ao ona fuafua mo lena sauniga ia faia i se isi aso pe a mafai ai. O le a leai se suiga i faasologa o sauniga i le Aso Sa.

● E ao i tagata talaʻi o ē fia paeonia lagolago ia Mati ma Aperila ona faia nei a latou fuafuaga ma avatu vave a latou talosaga. O le a fesoasoani lenei i toeaina ia faia faatatauga e manaomia mo le auaunaga i le fanua ma ia lava ma totoe lomiga e iai.