Le Faatulagaga Fou o La Tatou Faiva o le Malo

I lona lomiga o Setema, ua faataatia mai ai La Tatou Faiva o le Malo i se faatulagaga fou. O le a faafaigofie i lenei faiga ua faaleleia, feuiuiaiga o le galuega i le saunia o lenei lomiga faalemasina i le tele o gagana ma faafaigofie ai mo le au faitau ona sue i faamatalaga patino.

I lenei faatulagaga fou, ua mafai ai e le masini (computer) ona saunia ulutala uma ma mataupu, ua alofia ai le manaoga mo le tau faailogaina o le mea e tuu i ai ulutala. Ua mātua faafaigofie lava e lenei faiga le galuega mo le saunia o La Tatou Faiva o le Malo.

O loo iai nisi o faaleleiga mo le tagata faitau. Ua faamata lapopoa mataʻitusi, ma o foliga o mataʻitusi ua filifilia mo mataupu e matuā faigofie lava ona faitau, e oo lava i mataʻitusi laiti. O le a faigofie ona faitauina le lipoti o le auaunaga i le fanua. E faapena foi i mataupu autū, o le a faataatia mai pea i itulau i fafo, ma o le tele lava o mataupu o le a faamaeʻa lava i le itulau e tasi. O le a maua le polokalama o le Sauniga o le Auaunaga, le faasologa mo le Suesuega Tau Tusi a le Faapotopotoga, le lipoti o le auaunaga, Faasilasilaga, Tala Faatiokarate, Faatasiga mo le Auaunaga i le Fanua, Mataupu mo Talanoaga, ma le Pusa Fesili i itulau pito i totonu.

Matou te faamoemoe o le a e tagai i lenei meafaigaluega tautele o se fesoasoani e sili ona lelei ma uigā i le galuega o le talaʻiina o le tala lelei o le Malo ma le faia o soʻo.