Sauniga o le Auaunaga mo Setema

Vaiaso e Amata ia Setema 2

Pese 82 (152)

10 minu: Faasilasilaga masani ma Faasilasilaga e filifilia mai La Tatou Faiva o le Malo. Faamatilatila ni manatu e talanoa i ai mai lomiga fou o mekasini.

20 minu: “Taulimaina o le Tala Lelei—Amataina Suesuega i se Faafeiloaiga Tuusaʻo.” Ufitia i fesili ma tali. A maeʻa ona iloiloina palakalafa 3 ma le 4, faataʻitaʻi le faafeiloaiga tuusaʻo e ala i le faaaogāina o le tusi Ola e Faavavau ma le sāvali Olaga i se Lalolagi Fou Filemu. O le a fesoasoani le faafeiloaiga tuusaʻo ia te oe e faamautinoa ai le tele o le naunau o lē ona le fale. Faamamafa le manaoga e toe asiasi atu i ē uma e naunau e tusa lava pe na tuu muamua ai se lomiga pe leai. Faalaeiau tagata uma ina ia taumafai e amata suesuega faale-Tusi Paia e ala i le faaaogāina o le faafeiloaiga tuusaʻo i le auaunaga i le fanua i le faaiʻuga o lenei vaiaso.

15 minu: Pusa Fesili, “Le Faatulagaga Fou o La Tatou Faiva o le Malo,” ma Tala Faatiokarate. Faalaeiau le auai i le auaunaga i le fanua i lenei faaiʻuga o le vaiaso.

Pese 73 (157) ma le tatalo faaiʻu.

Vaiaso e Amata ia Setema 9

Pese 18 (55)

10 minu: Faasilasilaga masani. Autalu manatu i mekasini e faaaogā i le auaunaga i le fanua i lenei faaiʻuga o le vaiaso. Faataʻitaʻi se taulimaga e tasi pe lua pe a lava le taimi.

20 minu: Faataatia Sini Totino mo le Tausaga Fou Faaleauaunaga. Autalu e le ovasia o le auaunaga galuega a le faapotopotoga mo le tausaga faaleauaunaga ua mavae. Faamālō mafana i mea ua matauina ai le faaleleia. Faailoa mai vaega e manaomia atili ona uaʻi atu i ai i le faapotopotoga i le tausaga fou faaleauaunaga, ma ia saunia ni faufautuaga aogā. Autalu le lipoti mulimuli a le ovasia o le matagaluega. Faaaogā le Index e sue ai manatu o loo manaomia ma le auala e faatatau ai fautuaga ua aumaia. O i latou o loo tumau i le auaunaga ma le faamaoni e faalaeiauina ai isi. (Epe. 6:10) Faatalanoa ni tagata talaʻi se toalua po o ni paeonia o ē sa faia ni agaʻigaʻi i luma i le tausaga faaleauaunaga ua mavae. O ā sini ua latou faataatia mo le 1992? Ia faatalanoa foi se tagata talaʻi po o se paeonia o lē ua auauna ma le faamaoni mo le tele o tauasaga, i le tuu atu ia te ia e taʻu mai ni faigata sa faafetaiaia ma le auala na foia ai ia faigata ona o le fesoasoani mai ia Ieova ma lana faalapotopotoga. Faalaeiau tagata uma e faataatia ni sini aogā mo le faaleleia o la latou faiva i le tausaga faaleauaunaga 1992.

15 minu: “Taliaina la Tatou Avega Tauave ia Faia Mea Lelei i Isi.” Tauaaoina i fesili ma tali. A iloiloina le palakalafa 4, faataʻitaʻi pe faapefea ona avatu e se toeaina i le Maota o le Malo i se tagata talaʻi le faamālō mo lana faaaʻoaʻoga faamaoni i le tele o tausaga. E mafai ona siligia i le mea e mafai ona fai e fesoasoani atu ai. Peitai e ao ona tuu le faamamafa i le faamālō.

Pese 13 (33) ma le tatalo faaiʻu.

Vaiaso e Amata ia Setema 16

Pese 23 (50)

10 minu: Faasilasilaga masani ma le tala o le tupe. Faitau le talialoaia a le Sosaiete mo foai ma faailoa atu le talisapaia mo le lagolagoina tau tupe e tagata talaʻi o galuega a le Sosaiete faapea ma itu tau le faapotopotoga.

20 minu: “Faatatauga o le Suesuega Tau Tusi a le Faapotopotoga—Vaega 3.” Talanoaina le mataupu e ni taʻitaʻi se toalua o Suesuega Tau Tusi a le Faapotopotoga, ma faia se faatatauga i le faapotopotoga. Faamamafa aogā valalua e maua pe a felagolagomai tagata talaʻi ma faatatauga o le auaunaga. Faailoa mai le manaoga ia faaalia le faaaloalo mo fale ua faaaogā pe a feiloai mo le auaunaga i le fanua, ma faamālō ia i latou ua faaavanoa ma le agaalofa o latou fale. (km 3/86 itu. 3) Talu ai ona e manaomia nisi nofoaga mai lea taimi i lea taimi, so o se tasi la e fia faaavanoaina lona fale e mafai ona faailoa atu i le ovasia taʻitaʻi po o le ovasia o le auaunaga. Taaofai ai manatu mai le talanoaga i le vaiaso ua mavae e uiga i le faataatiaina o sini i le auaunaga. E mafai e le ovasia o le auaunaga ona fesoasoani ma faalaeiau tagata talaʻi ina ia ausia sini i le faiva.

15 minu: “Talavou e—Pe o le a Outou Sao mai le Tofotofoga o le Faamaoni Faa-Kerisiano?” Lauga e faavae i le mataupu i le Olomatamata faa-Peretania o Iuni 15, 1991. Faamamafa le valea o le uia o se olaga uigalua.

Pese 21 (47) ma le tatalo faaiʻu.

Vaiaso e Amata ia Setema 23

Pese 93 (187)

10 minu: Faasilasilaga masani Faamatilatila se manatu e tasi pe lua mai mekasini o loo iai. Faalaeiau tagata talaʻi e auai i le auaunaga i le fanua i lenei faaiʻuga o le vaiaso.

20 minu: “Auai ma le Loto Atoa i le Faiva i le Fanua—Vaega 3.” Talanoaga i fesili ma tali. I le palakalafa 4, faataʻitaʻi e se tagata talaʻi agavaa le auala e fesoasoani ai i lē fou pe a ō i le auaunaga. Faailoa mai se vaega faataʻitaʻi o lē fou o loo faaaogāina faufautuaga a le tagata talaʻi agavaa e foia ai teteega moni.

15 minu: Manaoga o le faapotopotoga po o se talanoaga o faatomuaga e talafeagai ona faaaogā i le oganuu a le faapotopotoga. Faavae le talanoaga i le tusi Reasoning, itulau 9-15. E mafai ona faamatala puupuu mea tutupu a tagata talaʻi o ī ua amataina suesuega faale-Tusi Paia i lenei masina i le faaaogāina o le faafeiloaiga tuusaʻo.

Pese 39 (70) ma le tatalo faaiʻu.