Tala Faatiokarate

Dominican Republic: E ono tauaofiaga itumalo na auai le 26,150, faatasi ma le 585 (2.2 pasene) na papatiso ai.

Hong Kong: E ui ina sa matuā vevela ma susū le tau ia Iulai, ae sa faia e uso ni taumafaiga e sili ona lelei i le auaunaga i le fanua. Na iai sa latou tumutumuga fou e 2,305 tagata talaʻi, ma e 71 na papatiso ai.

Iapani: Na faaalia i la latou lipoti o le tauaofiaga itumalo 1991 se tumutumuga o le aofia e 289,206, ma e 4,851 na papatiso ai. Sa latou ausia foi se tumutumuga fou e 158,627 tagata talaʻi ia Iulai, o se faatelega e 11 pasene e sili atu ai i le tuu faatatau o le tausaga ua tuanai.

Myanmar: E ui i ni mala o lologa ia Iulai, ae na latou ausia se tumutumuga fou e 1,810 tagata talaʻi.

Filipaina: Ua saunia ni fesoasoani faifai pea e fesoasoani ai i ē na manunuʻa ina ua pa le maugamu o Mount Pinatubo. E leʻi mamao atu, na faapogaia ai e timuga mamafa, ma tafega o palapala mai le mauga mu ni faafitauli matuiā mo nisi o uso sa leʻi aafia muamua. Ua talisapaia e uso le fesoasoani atu, ona sa sili atu le leaga o tulaga i isi o nofoaga ia Setema na i lo le taimi na muai pa ai le maugamu.